Բիզնես

Գործարար էթիկայի կարևոր կանոններից մեկը՝ ժամանակը փող է

Ճշտապահությունը, այլ մարդկանց ժամանակի նկատմամբ հարգանքը և ժամանակի կառավարման հիմունքների տիրապետման  գրագիտությունը գործարար աշխարհի հիմքերի հիմքն է:

Կարելի է լինել վառ, խարիզմատիկ անհատականություն, հիանալի բանակցող, պրոֆեսիոնալ կառավարիչ, բայց միշտ ուշանալ, խլել  ուրիշների ժամանակը, կյանքը ծախսել սպասման, գործին չվերաբերող անիմաստ  խոսակցությունների  վրա: Հազիվ թե նման պահելաձևով կարողանաք համագործակցել  լուրջ և խոշոր  ընկերությունների հետ: Գործընկերները, գործատուները, աշխատակիցները, հասկանալով, որ մարդը միշտ ուշանում է, նրան կարող են տալ այս պիտակավորումը. «Անվստահելի, ժամանակից, ժամանակակից կյանքի տեմպից  հետ ընկնող»: Արդարացումները, ներողությունները կխորացնեն  այս տպավորությունը, քանի որ նման պարագաներում այլոց նկատմամբ հարգանքի և քաղաքավարության կարիք չկա այլևս:

Ելքը միակն է.

Յուրաքանչյուր գործարար պետք է տիրապետի ժամանակի կառավարման հիմունքներին, կարողանա պլանավորել իր աշխատանքային օրը, գրագիտորեն առանձնացնել կարևոր և ոչ այնքան կարևոր գործերը, պատվիրակել առօրյա խնդիրները և վերահսկել դրանց իրագործումը:

Հեղինակի մասին

Թամարա Ավանեսյան

Թամարա Ավանեսյան

Մասնագիտությամբ իրավաբան է, 2011-ից առ այսօր աշխատում է «Խորհրդատու իրավաբան» իրավաբանական գրասենյակում, որպես տնօրեն: «Գործարար էթիկա» գրքի հեղինակն է: Կյանքում կարևորում է առաջին հերթին լավ մարդ, լավ ընկեր լինելը: