Ապրելակերպ

Ուտելու մշակույթը (էթիկայի կանոններ)

Ինչպե՞ս նստել սեղանի շուրջ

Ամեն ինչ սկսվում է նստելուց: Պետք է աթոռին նստել այնպես, որ ձեր մեջքի և սեղանի ծայրի միջև մնա քիչ հեռավորություն:

Պետք է ուղիղ նստել, մի փոքր թուլացած, արմունկները կողքին: Մի փոքր հանգիստ, ազատ նստել կարելի է ուտեստների փոփոխման ժամանակ կամ երբ  ուտեստների մատուցումը ավարտվել է և հյուրերն ազատ ու հանգիստ շփվում են իրար հետ:

Ի՞նչ չպետք է անել սեղանի շուրջ

Արմունկները չպետք է դնել սեղանին անգամ այն ժամանակ, երբ դուք ծխում եք և այդպես ձեզ հարմար է: Անձեռոցիկը պետք է վերցնել և, այն շրջելով, դնել ծնկներին, որպեսզի խուսափել հագուստի վրա որևէ բան թափելուց: Ուտելը վերջացնելուց հետո այդ անձեռոցիկով կարելի է թեթևակի մաքրել բերանը և մատների ծայրերը:

Առաջին ուտեստի ընտրություն

Որպես առաջին ուտեստ կարող են մատուցել խոր ափսեով կամ սովորական ճաշամանով: Ուտելիս տաք ապուրը հովացնելու համար չի կարելի փչել դրա վրա:  Առաջին ուտեստը սովորական ճաշամանով հիմնականում ուտում են դեսերտային գդալով: Ուտելիս  սպասքից օգտվելու դեպքում անհրաժեշտ է աջ ձեռքում բռնել դանակը, ձախով` պատառաքաղը: Կարիք չկա միանգամից մի քանի կտոր կտրատելու: Միսը կսառի և կկորցնի համային հատկանիշները: Միս կտրելու դանակով չի կարելի վերցնել աղ աղամանից, ուտելիք` ընդհանուր ափսեից: Սոուսի կամ այլ ուտեստի մեջ չի կարելի հաց մտցնել: Եթե անհրաժեշտ է ընդհատել ուտելը` ջուր խմելու, հաց վերցնելու համար, ապա պետք է դանակը և պատառաքաղը  ափսեի կողքին  դնել այնպես, ինչպես այն բռնել եք` դանակը աջ ձեռքով, պատառաքաղը` ձախ:

Ուտելը վերջացնելուց հետո  դանակը և պատառաքաղը պետք է դնել ափսեի մեջ: Եթե որևէ մեկը խնդրում է սպասք փոխանցել, ապա դանակը, պատառաքաղը, գդալը` փոխանցել պետք է բռնելով  դրանք մեջտեղից: Փափուկ բոլոր ուտեստների համար (ինչպես օրինակ միսը, ձուկը և այլն) կարելի է օգտագործել միայն դանակ: Թռչնամիս ուտելու համար կարելի է օգտագործել դանակ և պատառաքաղ: Որոշ ուտեստներ ուտում են ձեռքերով (ծնեբեկ, տապակած ճուտ և այլն):

Եփած ձուկն ուտելը հարմար է հատուկ սպասքով: Ձուկ ուտում են նաև պատառաքաղով` այն պահելով աջ ձեռքում, իսկ մյուս ձեռքում կարող է լինել հացը: Պատառաքաղի միջոցով փշերը հանում և դնում են ափսեի անկյունում:

Ինչն է գեղեցիկ, ինչը՝ ոչ

Մեծ ափսեով դրված աղցանը կարող եք ձեր ափսեի մեջ լցնել դրա մեջ դրված գդալով կամ պատառաքաղով: Գեղեցիկ չի համարվում ուտել չկտրտված միրգ: Անհրաժեշտ է միրգը դանակով մաքրել, մասերի բաժանել, նոր միայն ուտել: Որևէ մեկը չպետք է առաջինը դիմի, որպեսզի բերեն ուտեստը` ցույց տալով իր անհամբերությունը: Եթե ձեզ մոտ առաջացել է խմելու ցանկություն, ապա մոտեցրեք ձեր բաժակը նրան, ով լցնում է խմիչքը` բռնելով այն աջ ձեռքի բութ և ցուցամատներով: Խուսափեք ձեր բաժակում գինի կամ ջուր թողնել, որը կարող է թափվել:

Վեր կենալով սեղանից` չպետք է վերցնել անձեռոցիկը: Եվ առհասարակ, գեղեցիկ չէ վերջացնելուց հետո միանգամից վեր կենալ և գնալ: Պետք է մի փոքր նստել` շուրջ 30 րոպե, որից հետո միայն կարելի է պատրաստվել գնալուն:

Հեղինակի մասին

Թամարա Ավանեսյան

Թամարա Ավանեսյան

Մասնագիտությամբ իրավաբան է, 2011-ից առ այսօր աշխատում է «Խորհրդատու իրավաբան» իրավաբանական գրասենյակում, որպես տնօրեն: «Գործարար էթիկա» գրքի հեղինակն է: Կյանքում կարևորում է առաջին հերթին լավ մարդ, լավ ընկեր լինելը: