Ինչպե՞ս է հնչում «պի» թիվը:
Երաժիշտ Դեյվիդ ՄակԴոնալդը ձայնագրել է π թվի՝ ստորակետից հետո եկող առաջին 122 նիշերից կազմված դաշնամուրային մեղեդին:
Պի թիվը մաթեմատիկական հաստատուն է, որը ցույց է տալիս շրջանագծի երկարության հարաբերությունը տրամագծին։
Առաջին անգամ հունարեն այբուբենի π տառով այս թիվը նշանակել է բրիտանացի մաթեմատիկոս Վիլյամ Ջոնսը 1706 թվականին, իսկ համընդհանուր օգտագործման այն դրվել է 1737 թվականին Լեոնարդ Էյլերի աշխատությունից հետո։
Այս նշանակումը առաջացել է հունարեն՝ περιφέρεια (շրջանագիծ) և περίμετρος (պարագիծ) բառերի առաջին տառից։
Շա՜տ բան կարելի է ասել առեղծվածային այս թվի վերաբերյալ (այդ մասին մասնավորապես կարող եք կարդալ Վիքիդարանի համապատասխան հոդվածում):
Իսկ այժմ առաջարկում եմ հիանալ այս խորհրդավոր, բայց և ուրախ մեղեդու հնչյուններով:
