Եթե ուզես…

Եթե ուզես դու հեռանալ,
Չմոռանաս, որ սիրել եմ,
Եթե ուզես վերադառնալ,
Չմոռանաս, որ ներել եմ:

Եթե կզգաս ուշ է արդեն,
Չմոռանաս, որ սպասում եմ,
Եթե ուզես երկինք նայել,
Չմոռանաս՝ աղոթում եմ:

Եթե սկսի անձրև տեղալ,
Հովանոցով քեզ սպասում եմ,
Եթե ուզես բարձր գոռալ,
Շշշուկդ անգամ ես լսում եմ:

Եթե ուզես փախչես, գնաս,
Իմ ոտքերով քեզ կտանեմ,
Բայց թե ինձնից դու հեռանաս,
Ես քեզ ինձնից ինչպե՞ս վանեմ:

Եթե ուզես սիրտս փշրել,
Չմոռանաս, որ սիրել ես,
Եթե ուզես կրկին սիրել,
Մոռացիր, որ ինձ ատել ես:

Եթե ուզես սրտիդ տիրեմ,
Չմոռանաս, որ ասել ես,
«Սիրում եմ քեզ, ու կսիրեմ,
Ինչպես որ դու երազել ես»:

Ռուբեն Կարոյան