Փորձը ցույց է տալիս, որ ժամանակակից ընկերություններից շատերը հանուն շահույթի ստացման ոչ միշտ է, որ գործում են ելնելով էթիկայի կանոններից, նորմերից` դրանով իսկ ռիսկի ենթարկելով իրենց հեղինակությունը:
Այս ամենի հետ մեկտեղ, նշենք որ կան մի շարք պատճառներ, որոնք հիմնավորում են ընկերությունների` բարոյական գործունեության շահավետությունը:
Առաջին հերթին, էթիկայի կանոնները չպահպանելը կարող է հանգեցնել ընկերության` շուկայից դուրս մղմանը:
Բանն այն է, որ լավ հեղինակությունը բավականին բարդ է ձեռք բերել: Դրա համար կարող է տարիներ պահանջվել: Իսկ հեղինակության կորուստը բավակաին հեշտ և արագ կարող է տեղի ունենալ: Հեղինակությունը կարևոր դեր է կատարում նաև պոտենցիալ ներդրողների ներգրավման տեսանկյունից: Ներդրողների համար կրկնակի հաճելի է աշխատել պատասխանատու մարդկանց հետ, որոնք ցանկանում են երկարաժամկետ աշխատել գործընկերների հետ:
Երկրորդ հերթին, բարձր որակավորում ունեցող մասնագետները չեն ցանկանա աշխատել ցածր հեղինակություն ունեցող ընկերություններում:
Երրորդ հերթին, էթիկայի նորմերի կիրառությունը բիզնեսում հնարավորություն է տալիս կարգավորել շահույթի ստացումը:
