Կրթությունը մարդու զարգացման գլխավոր խթանն է համարվում: Այն մի հզոր զենք է առաջ շարժվելու և ապագան ճիշտ կառուցելու համար: Այդ իսկ պատճառով ներկայիս սերունդը ցանկանում է կրթություն ստանալ աշխարհի առաջատար համալսարաններում:
Ներկայացնում ենք ամենահետաքրքիր համալսարանների տասնյակը:
1. Բերրի համալսարան
Բերրի գեղարվեստի մասնավոր համալսարանը գտնվում է ԱՄՆ-ի Ջորջիա նահանգում: Այն առաջարկում է 4 ամյա կրթություն: Հիմնադրվել է 1902 թվականին Մարթա Բերրիի կողմից: Այս համալսարանի տարածքը համարվում է աշխարհում ամենամեծը:
2. Ֆլագերի համալսարան
Ֆլագերի հումանիտար գիտությունների համալսարանը գտնվում է ԱՄՆ-ի Ֆլորիդա նահանգում: Հիմնադրվել է 1968 թվականին:
3. Քեյփթաունի համալսարան
Քեյփթաունի համալսարանը գտնվում է Հարավային Աֆրիկայում: Այն Հարավային Աֆրիկայի ամենահին և Աֆրիկայի 2-րդ ամենամեծ համալսարանն է: Ուսուցումը իրականացվում է անգլերեն լեզվով:
4. Ստանֆորդի համալսարան
Ստանֆորդի մասնավոր համալսարանը գտնվում է ԱՄՆ-ի Կալիֆորնիա նահանգում: Այն համարվում է աշխարհի ամենաառաջադեմ համալսարաններից մեկը: Հիմնադրվել է 1885 թվականին Լիլենդ Ստանֆորդի կողմից:
5. Այովայի համալսարան
Այովայի համալսարանը հիմնադրվել է 1847 թվականին ԱՄՆ-ի Այովա նահանգում: Այն գիտահետազոտական, պետական համալսարան է: Համալսարանը բաղկացած է 11 քոլեջից, որոնք տալիս են բակալավրի, մագիստրոսի և գիտությունների դոկտորի կոչումներ:
6. Տրինտի համալսարան
Տրինտի համալսարանը գտնվում է Դուբլինում. այն Իռլանդիայի ամենահայտնի համալսարանն է: Հիմնադրվել է 1592 թվականին: Այն իր նախատիպով նման է Օքսֆորդի և Քեմբրիջի համալսարաններին:
7. Էլոնի համալսարան
Էլոնի հումանիտար գիտությունների համալսարանը գտնվում է Հյուսիսային Կարոլինայում, ԱՄՆ-ում: Հիմնադրվել է 1889 թվականին:
8.Էդինբուրգի համալսարան
Էդինբուրգի համալսարանը համարվում է աշխարհի 17 լավագույն համալսարաններից մեկը: Այս համալսարանը տարեկան 50000 ավելի հայտեր է ստանում և համարվում է Մեծ Բրիտանիայում ուսանողների թվով 4-րդ ամենամեծ համալսարանը:
9. Փենսիլվանիայի համալսարան
Փենսիլվանիայի համալսարանը մասնավոր հետազոտական համալսարան է: Գտնվում է ԱՄՆ-ի Փենսիլվանի նահանգի Ֆիլադելֆիա քաղաքում: Հիմնադրվել է 1740 թվականին Բենջամին Ֆրանկլինի կողմից:
10. Օտագոյի համալսարան
Օտագոյի համալսարանը Նոր Զելանդիայի ամենահին համալսարանն է: 2011 թվականի տվյալներով այնտեղ սովորում են մոտ 21000 ուսանող: Այն համարվում է Նոր Զելանդիայի 2-րդ ամենամեծ համալսարանը Օքլենդի համալսարանից հետո:
