Վերջին ժամանակներում հայ տղամարդու կերպարի արատավորում էր նկատվում։ Սակայն մոտակա օրերի ընթացքում տեղի ունեցած իրադարձությունները վերականգնեցին հայ տղամարդու իրական դեմքը՝ հասարակության և աշխարհի առաջ։
Թաղային հեղինակությունը դարձավ՝ հերոս
Մինչ պատերազմական իրավիճակը, կարծես շատերը մտածում էին, թե հայ տղամարդը պետք է լինի սևազգեստ, թաղային հեղինակություն վայելող, սիրուհիներով և զենքերով պատված։ Իմ կարծիքով՝ սա ամենասխալ պատկերացումն է, որ երբևէ եղել հայ տղամարդու մասին։
Հայ տղամարտու իրական դեմքը
Հայ տղամարդը կրկին անգամ ցույց տվեց իր իրական դեմքը։ Նա ապացուցեց, որ պատրաստ է պաշտպանել՝ իր հայրենիքը, միաժամանակ վտանգի տակ դնելով սեփական կյանքը։ Երբ մարդը կանգնում է լուրջ ընտրության առաջ, պարտավոր է որոշումներ կայացնել՝ նախապես խորը քննելով իրավիճակը։ Որոշում կայացնելը հատկապես բարդ է այնպիսի իրավիճակներում, երբ նժարի մի կողմում դրված է կյանքդ, ինչը շատ թանկ է ցանկացած մարդու համար։
Եվ ահա, թե ինչպես արձագանքեց հայ տղամարդը։
Հայ տղամարդը կյանքը կտա
Հայ տղամարդը ապացուցեց, որ կարիք չունի երկար մտածելու, երբ խնդիրը վերաբերում է իր ընտանիքի, երեխայի և հայրենիքի պաշտպանությանը։ Նման որոշումները նա ընդունում է առանց երկար մտածելու, բայց միևնույն ժամանակ խորը գիտակցումով, թե ինչ վտանգավոր քայլ է կատարում։
Ինչու՞ են նրանք այսպիսին։ Մեկ պատճառով․ նրանք սիրում են իրենց ընտանիքներն ու հայրենիքը։ Երբ սիրում ես մեկին, այդժամ պատրաստ ես կայնքդ էլ տալ, միայն թե նա երջանիկ ապրի։ Հայ տղամարդը ապացուցեց, որ սիրում է իր հայրենիքը, երեխային և իր ընտանիքը։
Հայ տղամարդը սիրում է
Աշխարհը շատ է մտորում, թե ո՞վ է իրական տղամարդը։ Ելնելով կյանքի փորձից կամ որևէ մասնագիտական եզրակացություններից՝ տարբեր խորուրդներ են տալիս, թե ինչպե՞ս պետք է լինի տղամարդը կյանքում, ընտանիքում, սիրած էակի հանդեպ, որ կարողանա դրսևորել հոգատարություն, նրբություն, հարգանք և այս ամենով կարողանա ապացուցել իր սերը։
Եթե պատմությամբ հետ գնանք, ապա կարող ենք տեսնել մի տղամարդու կերպար, որը օրինակելի դարձավ ողջ աշխարհի համար։ Այդ տղամարդու անունն էր Հիսուս, որին Քրիստոս էին կոչում։
Ի՞նչ արեց Քրիստոսը, նույն ինքը Հիսուսը, ով Աստված է և Աստծո Որդի․
Իր կյանքը տվեց, որ մարդկությունն ապրի։
Ինչի՞ համար արեց նման բան։
Արեց, քանի որ սիրեց մարդկանց։
Ի՞նչ է անում հայ տղամարդը։ Իր կյանքն է դնում վտանգի տակ։ Ինչու՞ է անում։ Անում է, քանի որ սիրում է իր ընտանիքն ու հայրենիքը։
Սա՛ է իրական տղամարդու կերպարը, որը եղել է մեր մեջ։ Վաղ ժամանակներից սկսած, երբ թշնամին իր զինվորներին ստիպում էր՝ պատերազմելու հայի դեմ, հայ տղամարդը աշխարհով մեկ կամավոր էին գնում՝ պաշտպանելու իրենց հայրենիքը։
Հայ տղամարդը լցված է հույսով և հավատով
Հայ տղամարդու ձեռքից կարող ես վերցնել ամեն բան, բացառությամբ հույսից և հավատից։
Պատերազմի մեջ առաջ է վազում նա, ով հավատում է իր հաղթանակին և նրան, որ ամեն բան լավ է լինելու։ Միևնույն ժամանակ պատերազմից փախչում է նա, ով կորցրել է հույսը ապագայի հանդեպ, և չի հավատում իր հաղթանակին։
Երանելի է հայուհին
Երանելի է հայուհինԵրանելի է այն կինը, ով ապրում է այնպիսի տղամարդու կողքին, որի համար ընտանիքի շահերն ավելի բարձր են՝ իր սեփական շահերից։
Աշխարհում տարբեր ազգերի տղամարդիկ փիլիսոփայում են, թե ինչ է սերը և նվիրում գեղեցիկ ծաղիկներ, իսկ հայ տղամարդը իր կյանքն է տալիս, որ իր կինը ունենա ապագա։ Նմանօրինակ պահվածք չես տեսնի ամեն երկրում։
Օրինակ՝ Սիրիան նույնպես գտնվում է պատերազմի մեջ, և շատ տղամարդիկ փախչում են իրենց երկրից, ապաստան գտնելով Եվրոպայում, Սիրիայում՝ թողնելով իրենց ընտանիքները։ Մի՞թե նրանք չեն գիտակցում, որ իրենց երեխաներն ու կանայք վտանգի տակ են, իհարկե գիտակցում են, սակայն․․․
Հայ կնոջ մոտ հաստատվեց այն փաստը, որ հայ տղամարդը սեփական կաշին փրկելու համար երբեք չի լքի իր հողը, առավել ևս ընտանիքին թողնելով մենակ։
Հայ տղամարդը կգնա թե՛ արտագնա աշխատանքի, թե՛ անգամ պատերազմելու, որպեսզի ապահովի իր ընտանիքի ապրուստն ու խաղաղությունը։
Ինչպե՞ս է ձևավորվում կերպարը
Մարդկանց մեջ կերպարը ձևավորվում է տարբեր ճանապարհներով (ոգեշնչվելով ֆիլմերից, տեսահոլովակներից, արվեստից, գրականությունից և այլն)։
Մինչ այսօրվա պատերազմական իրավիճակի զարգացումը, հայ տղամարդու կերպարը կարծես ձևավորվում էր՝ ոգեշնչվելով սերիալներից, ֆիլմերից․․․
Իսկ հիմա․․․
Խնդրեմ, կարող եք տեսնել մի կերպար, որը բնավ չի ձևավորվել ո՛չ ֆիլմերից, ո՛չ էլ սերիալներից։ Այսօրվա հայ տղամարդու կերպարը ձևավորվել է կյանքից։ Այն կյանքից, որը նա ապրում է հիմա, այն կյանքից, որում նա հայտնվել է երկընտրանքի առջև․ մնա՞լ այն միֆային ու սերիալային կերպարի մեջ, որպես թաղային հեղինակություն, թե՞ սիրել իր տունն ու ընտանիքը, սիրել հայրենիքն ու լինել իրական տղամարդ։
Եվ այսօրը թող բոլորիս համար դառնա հիշվող իրականություն։ Երբե՛ք չմոռանանք, թե ով էր հայ տղամարդը՝ 1․000 տարի առաջ, ով էր հայ տղամարդը՝ 1994 թվականին, և ով է հայ տղամարդը՝ 2016 թվականին։
Վստահ եմ, որ իրական տղամարդկությունը մեր գեների մեջ է դրված՝ Աստծո կողմից, և ոչ ոք չի կարող այն ջնջել։
Հավատացած եմ, որ եթե 100 տարի հետո էլ հայ ընտանիքին կամ Հայաստանին վտանգ սպառնա, հայ տղամարդը դարձյալ ոտքի է կանգնելու կամավոր, գնալու է ռազմի դաշտ՝ հավատքով, քաջ և ուրախ։
Սա առիթ է ևս մեկ անգամ հպարտանալու հայ կնոջը, քանզի նրան պաշտպանողը հայ տղամարդն է և հայոց բանակը։ Բանակ, որը պատրաստ է իր կյանքը տալու, հանուն իր երկրի ապահովության և պայծառ ապագայի։
Yerevanstyle – ը սպասում է ձեզ։
Yerevanstyle – ի անձնակազմը բարի ծառայություն է մաղթում բոլոր հայ տղամարդկանց։
Հայաստանը և սփյուռքը հպարտանում են ձեզանով քաջ զինվորներ։ Թող Աստված ձեր կողքին լինի և նույն ժպիտը, որով մեկնել եք, ուղեկցի ձեզ նաև՝ վերադարձի ճանապարհին։
Մենք սպասում ենք ձեզ և աղոթում՝ ձեզ համար։
Քննարկում այս մասին post