Նորություններ, մամուլ

«Վրեժ կլուծենք ԱՄՆ-ից». Թեհրանում հրաժեշտ են տալիս գեներալ Սոլեյմանիին

YEREVANSTYLE
Հեղինակ՝ YEREVANSTYLE

Թեհրանում այսօր առավոտյան հրաժեշտ են տալիս Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար, հայտնի գեներալ Ղասեմ Սոլեյմանիին, ով Իրաքում հունվարի 3-ին սպանվել է ամերիկյան ավիահարվածի հետևանքով: Այս մասին տեղեկացնում է РИА Новости-ն:

Այսօր առավոտյան մեծ քանակությամբ մարդիկ դուրս են եկել Թեհրանի փողոցներ, որպեսզի իրենց վերջին հրաժեշտը տան գեներալին: Սոլեյմանիին այսօր թաղվելու է իր հարազատ Քրման բնակավայրում:

Հարյուր հազարավոր մարդիկ Թեհրանի «Հեղափոխություն» փողոցում են: Ժողովրդի շարքերում վեր են բարձրացել զոհված գեներալի լուսանկարները, սգո սև և վրեժի կարմիր դրոշները: Երկրի հոգևոր առաջնորդ այաթոլլա Ալի Խամենեին անձամբ է աղոթք կարդացել և սգացել գեներալի մահը: Ժողովրդի շարքերի միջից լսվում են «մահ Ամերիկային» բացականչություններ:

Ինչպես ավելի վաղ տեղեկացրել էր Tert.am-ը, Բաղդադում սպանվել է Իրանի իսլամական հեղափոխության պահապանների կորպուսի գեներալ Ղասեմ Սոլեյմանին: Գեներալի սպանությունից հետո, Իրանի ԱԳՆ է կանչվել Շվեյցարիայի դեսպան Մարկուս Լեյթները, որը ներկայացնում է ԱՄՆ շահերը Թեհրանում: Հաղորդվում է նաև, որ ԱՄՆ Զինված ուժերը բարձր մարտունակության են բերվել իրանցի գեներալի սպանությունից հետո:

Իրանի գերագույն հոգևոր առաջնորդ այաթոլլահ Ալի Խամենեին խոստացել է վրեժ լուծել Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար, գեներալ Ղասեմ Սոլեյմանիի սպանության համար:

Հեղինակի մասին

YEREVANSTYLE

YEREVANSTYLE

YerevanStyle.com-ը նորաստեղծ երիտասարդական ինֆորմացիոն-ժամանցային կայք է, որի նպատակն է մատուցել հետաքրքիր նյութեր և նորություններ, որոնք դրական ազդեցություն կունենան հայ հասարակության վրա և կտան նորանոր մտքեր:

Մեկնաբանել գրառումը