Samsung ընկերությունը հայտարարել է արհեստական մարդ ստեղծելու մասին, որը փաստորեն իրական ավատար է ներկայացնում, գրում է armday.am-ը՝ հղում անելով Planet Today-ին։
Աշխատանքն իրականացվել է «Նեոն» նախագծի շրջանակում, եւ ակնկալվում է, որ կներկայացվի էլեկտրոնիկայի CES 2020 ցուցահանդեսում, որը կսկսվի Լաս Վեգասում հունվարի 7-ին։ Տեղեկացվում է, որ նորարարությունը կարող է կիրառվել ինչպես բիզնեսի շրջանակում, օրինակ՝ որպես ադմինիստրատոր կամ ուղեկցորդ, այնպես էլ զվարճանքային նախագծերում։
Նախագծի իրականացման մասին տեղեկատվությունը տրամադրել է «Նեոն» նախագծի առաջատար մասնագետ, հնդիկ գիտնական Փրանավ Միսթրին Թվիթերի իր գրառման մեջ։ «Կոդը վերջապես աշխատում է եւ պատրաստ է CORE R3 դեմո-վարկածին։ Այժմ այն կարող է ինքնուրույն կառավարել իր դիմախաղը, շարժվել, խոսել (անգամ հինդիով), անկախ ելակետային տվյալներից»,- գրել է գիտնականը։
Բացի այդ, նա հրապարակել է նաեւ մշակված ավատարի պատկերը։ Եվ թեեւ շուտով դրանք հեռացրել են, ցանցում նրանք արդեն հասցրել են տարածվել։ Կարելի է նշել նաեւ, որ արհեստական մարդիկ սովորական համակարգչային անիմացիայի նման չեն, այլ միանգամայն իրական են։
Թե որքան լավ կարտահայտեն համարժեք հույզերը ստեղծված ավատարները՝ առայժմ դժվար է ասել։ Այնուամենայնիվ, կարելի է նշել, որ ըկերության նոր մշակումը առաջընթաց քայլ է։
Ինչպես նշում են մշակողները, նման թվային մարդիկ կարող են դառնալ հիմնական տեխնոլոգիա արդեն առաջիկա տարիներին եւ արդյունավետորեն օգտագործվել ամենօրյա կյանքի ամենատարբեր ճյուղերում
Discussion about this post