Լոուքոստերների մուտքը Հայաստան թվում էր անիրագործելի է, սակայն 2020-ին հայկական երկնքում միանգամից 2 լոուքոսթեր են թռչելու: Ryanair և Wizz Air լոուքոստերները արդեն հունվար ամսից կազմակերպում են բյուջետային ավիաթռիչքներ դեպի Եվրոպա:
Երևանից և Գյումրիից դեպի եվրոպական մայրաքաղաքներ արդեն հնարավոր է հասնել ուղիղ չվերթով և մատչելի գներով: Մինչև ավիատոմս ձեռք բերելը, սակայն, անհրաժեշտ է մանրամասն ծանոթանալ բոլոր պայմաններին։
Իսկ այժմ ծանոթանանք, թե որ լոուքոստ ավիաընկերության միջոցով ուր կարելի է մեկնել։
Վիեննա (Wizz Air)
Վիեննա կարող եք մեկնել Wizz Air-ի միջոցով: Ավստրիան հայտնի է իր տաք լճերով, բնության բնապատկերներով, լեռնադահուկային հանգստավայրերով և բազմաթիվ թանգարաններով: Ավստրիայում տեղակայված են տարբեր ոճի բազմաթիվ ճարտարապետական հուշարձաններ:
Ավստրիան մեծ ճանաչում է ձեռք բերել նաև հայտնի կոմպոզիտորների շնորհիվ: Շնորհիվ Ալպյան լեռների այստեղ ամեն տարի այցելում են ձմեռային սպորտով զբաղվող տուրիստներ:
Իսկ Ավստրիայի մայրաքաղաք Վիեննան հարուստ է բազմաթիվ տեսարժան վայրերով` պալատներով, եկեղեցիներով: Տուրիստները կարող են այցելել Դյուրշտեյն ամրոցի ավերակներ, որը գտնվում է Դունայի ափին: Տուրիստներին գրավում է նաև Զալցբուրգ տաճարը: Բացի այս տաճարից, երկիրը հայտնի է բարոկկո թանգարանով: Վիեննան նաև համարվում է աշխարհի ամենաերաժշտական քաղաքը:
Վիլնյուս (Wizz Air)
Դեպի Վիլնյուս լոուքոստ ավիաթռիչք է իրականացնում Wizz Air-ը: Վիլնյուսը Լիտվայի մայրաքաղաքն է, որը հիմնադրվել է 1323 թվականին, և համարվում է Եվրոպայի ամենահին և ամենագեղեցիկ քաղաքներից մեկը:
Քաղաքը համատեղում է տարբեր դարաշրջանների առանձնահատկությունները՝ բարոկկո, ռենեսանս, դասական ոճի ճարտարապետություն: Բացի հինավուրց տեսարժան վայրերից, Վիլնյուսում կա մանրանկարչության թանգարան, պատկերասրահներ, բրենդային խանութներ, ինչպես նաև ժամանակակից արվեստի շատ հետաքրքիր հուշարձաններ: Անպայման այցելեք Գեդիմինաս տաճար, որտեղ գործում է Լիտվայի ազգային թանգարանը և Սուրբ Աննայի եկեղեցին:
Բեռլին (Ryanair)
Բյուջետային ավիաթռիչք դեպի Բեռլին կարող եք կատարել Ryanair-ի միջոցով:
Բեռլինը հետաքրքիր մշակույթով և հարուստ ճարտարապետությամբ քաղաք է, անպայման այցելեք Բեռլինի տաճար, Տիերգարդեն այգի, որը իսկական դրախտ է հիշեցնում, զբոսնեք Ունթեր դեն Լինդեն բուլվարով, հիացեք Բրանդենբուրգ դարպասով և մի՛ մոռացեք, որ Բեռլինը նաև թանգարանների քաղաք է:
Հռոմ (Ryanair)
Հռոմ մեկնելիս կարող եք օգտվել Ryanair-ի ծառայությունից: Իտալիայի գեղեցիկ բնությունը, 300 թանգարանները, հուշարձանները (աշխարհի բոլոր հուշարձանների 80%-ը), արվեստի գործերը (ողջ մոլորակի արվեստի գործերի 50%-ը):
Իտալիայի հինավուրց քանդակներն ու ամրոցները մշտապես գրավում են զբոսաշրջիկներին։ Իտալական արվեստը հայտնի Է բոլորին նախ և առաջ իբրև գեղեցկության խորհրդանիշ, ինչի լավագույն վկայությունն են Կոլիզեումը, Միլանի Մայր Տաճարը, Պիզայի աշտարակը և այլն:
Միլան (Ryanair)
Միլան մեկնել արդեն հնարավոր է Ryanair-ով: Ի՞նչ պետք է տեսնել Միլանում: Եթե առաջին անգամ եք այցելում Միլան, ապա չպետք է բաց թողնեք ստորև թվարկված լավագույն վայրերն այցելելու հնարավորությունը և զգալու Միլանի շունչը։
Միլան այցելությունը լիարժեք չի լինի, եթե չտեսնեք Մայր տաճարն իր գոթական ճարտարապետության ողջ հմայքով: Վիտորիո Էմանուել II պատկերասրահը 19-րդ դարի կառույց է, որի կամարապատ շքեղ սրահի ներսում տեղակայված են աշխարհահռչակ բրենդների խանութներ , հայտնի սրճարաններ և ռեստորաններ: ՅՈՒՆԵՍՕ-ի համաշխարհային ժառանգության ցանկում ընդգրկված՝ Միլանի Սանտա Մարիա դելլե Գրացի տաճարում կարող եք տեսնել Լեոնարդո դա Վինչիի «Խորհրդավոր ընթրիք» կտավը և իհարկե Լա Սկալա օպերային թատրոնը:
Աթենք (Գյումրիից-Ryanair)
Աթենք կարող եք մեկնել Գյումրիից Ryanair-ի լոուքոսթերով: Հունաստանի հետ կապված են բազմաթից առասպելներ և լեգենդներ: Աթենքը` երկրի մայրաքաղաքը, հին մշակութային կենտրոն է, որտեղ տուրիստներին հիանալի հնարավորություն է ընձեռվում այցելել հայտնի Դաֆնի վանքը, որը մի քանի անգամ վերակառուցվել է:
Դուք չեք կարողանա անտարբեր մնալ նաև վեհապանծ Պարթենոն տաճարի նկատմամբ: Հիացմունք է առաջացնում Ակրոպոլը, որից էլ սկսվել է Աթենքի հնամյա պատմությունը: Հունաստանում տեղ են գտել բազմաթիվ տաճարներ, որոնք գովերգում են Աֆինա Պալլադային, ով հանդիսանում էր պատերազմի, ինչպես նաև մշակույթի աստվածուհին: Ակրոպոլիսի ստորոտին է տեղակայված Հին հունական Ագորան: Հունաստանում Ագորան համարվել է քաղաքի կենսականորեն ամենաանհրաժեշտ և կարևոր տարածքը:
Սալոնիկ (Ryanair)
Սալոնիկը նավահանգստային քաղաք է Հունաստանում, համարվում է երկրի մշակութային մայրաքաղաքը: Սալոնիկը ոչ միայն պատմամշակութային կենտրոն է, այլև հիանալի վայր է հանգստի համար, ինչին նպաստում են նպաստավոր կլիմայական պայմանները: Սալոնիկի շրջակայքում կարելի է գտնել բազմաթիվ լողափեր: Ոսկեգույն ավազը, մաքուր ծովը և զարգացած ենթակառուցվածքները դարձնում են հանգիստը Սալոնիկում անմոռանալի:
Սալոնիկի գլխավոր հրապարակներն են Ազատության և Արիստոտելի հրապարակները, որտեղ կան բազմաթիվ սրճարաններ, ռեստորաններ, խանութներ: Սալոնիկի գլխավոր տեսարժան վայրերից է համարվում Սպիտակ աշտարակը, որը հայտնի է նաև Առյուծների աշտարակ անունով, որտեղից հրաշալի տեսարան է բացվում դեպի ծովափ:
Այս և այլ ուղղությունների համար օնլայն ավիատոմսեր ամրագրելու նպատակով կարող եք օգտվել BILETIX հարթակից։ Հաճելի հանգիստ ենք մաղթում:
Աղբյուր՝ Toptrip.info
Մեկնաբանել գրառումը