Աշխարհ Ֆիլմեր

Քըրք Դուգլասն իր 50 մլն դոլար կարողությունը կտակել է բարեգործությանը

YEREVANSTYLE
Հեղինակ՝ YEREVANSTYLE

Հոլիվուդյան լեգենդար դերասան Քըրք Դուգլասն իր կտակում որևէ բան չի թողել աստղային որդուն՝ դերասան Մայքլ Դուգլասին՝ ամբողջ գումարը կտակելով մի շարք բարեգործական կազմակերպությունների:

103 տարեկանում կյանքից հեռացած Քըրք Դուգլասի ցանկությամբ իր ունեցած 50 մլն դոլարը «Դուգլաս» հիմնադրամի միջոցով կբաժանվի մի շարք բարեգործական կազմակերպությունների, այդ թվում նաև Սենթ Լոուրենս համալսարանի, Լոս Անջելեսի Սինայի տաճարի, Քըրք Դուգլասի անվան թատրոնի, Լոս Անջելեսի մանկական հիվանդանոցի միջև:

Աղբյուրը նկատում է, որ կյանքի ընթացքում դերասանը միշտ էլ առատաձեռն է գտնվել ու խոշոր նվիրատվություններ է կատարել տարբեր բարեգործական ծրագրերի համար:

Ինչ վերաբերում է նրա որդուն՝ Մայքլ Դուգլասին, ապա աստղի կարողությունը գնահատվում է 300 մլն դոլար:

Հիշեցնենք, որ Քըրք Դուգլասը մահացել է փետրվարի 7-ին:

Աղբյուրը՝ tert.am

Հեղինակի մասին

YEREVANSTYLE

YEREVANSTYLE

YerevanStyle.com-ը նորաստեղծ երիտասարդական ինֆորմացիոն-ժամանցային կայք է, որի նպատակն է մատուցել հետաքրքիր նյութեր և նորություններ, որոնք դրական ազդեցություն կունենան հայ հասարակության վրա և կտան նորանոր մտքեր:

Մեկնաբանել գրառումը