Ի՞նչ անել, որ օծանելիքի բույրը երկար պահպանվի

1. Քսեք բույրը լոգանքից անմիջապես հետո.

2. Խոնավեցրեք մաշկը.

Ամենակոպիտ սխալը համարվում է չոր մաշկի վրա բույրի տարածումը, որը միանշանակ չի կարող պահել օծանելիքի բույրը: Առահասարակ աշխատեք օգտվել օծանելիքի բույրով մարմինը խոնավեցնող նրբաքսուքից: Խոնավեցման արդյունքում օծանելիքի բույրը  մաշկի վրա 2-ից 3 անգամ ավելի երկար կպահպանվի։

3. Օգտագործեք վազելին.

Վազելինը կարողանում է շատ լավ պահպանել օծանելիքի բույրը մաշկի վրա: Ամբողջ գաղտնիքը թաքնված է վերջինիս ճարպային բաղադրության մեջ, որը թույլ չի տալիս օծանելիքին մաքրվել մաշկի վրայից: Կարելի է պարզապես մի փոքր վազելին քսել պարանոցի, ականջների հետևում ու նոր միայն օծանելիքով «պատվել»:

4. Մի տրորեք օծանելիքը.

Ամենատարածված սխալներից մեկը հանդիսանում է այն, որ շատերը  օծանելիքը ցողելուց հետո սկսում են մարմնի այդ հատվածը տրորել։

5. Ընտրեք մարմնի ճիշտ հատվածներ.

Օծանելիքն առավել լավ պահպանվում է մարմնի այն հատվածներում, որտեղ նրա ջերմությունն առավել բարձր է, հիմնականում արյունատար անոթների դասավորվածության պատճառով: Բույրն առավել լավ պահպանվում է դաստակների, ականջների հետևի մասում, կոկորդի հիմնական հատվածում, քունքերի, արմունկների հակառակ կողմի անկյուններում ու ծնկների հետևի մասում:

6.Մի մոռացեք մազերի մասին.

Կա տարածված այնպիսի մի կարծիք, որ մազերի վրա չի կարելի ցողել օծանելիք, քանի որ նրանում առկա սպիրտը կարող է վնասել մազարմատները, սակայն իրականում այդ միջոցից առաջացած վնասն աննշան է:

Իրականում կարելի է մազերի վրա ցողել օծանելիք, իհարկե քիչ քանակությամբ, քանի որ նրանք հիանալի կարողանում են պահել բույրը:

7. Ընտրեք առավել կայուն կոմպոզիցիաներ.

Բույրի կայունությունը կախված է ոչ միայն վերջինիս ճիշտ ցողումից, այլ նաև նրա բաղադրիչներից, քանի որ որոշ բաղադրիչներ, անգամ ամենաթանկ օծանելիքների դեպքում շուտ մաքրվելու հատկություններ ունեն։

Պատրաստեց Մարիամ Բաղդասարյանը

Աղբյուրը՝ gogetnews.info