Գրականության աշխարհում «Pocketbook» բառը երկու նշանակություն ունի։ Մի դեպքում դա էժանագին կազմով գիրք է, դե գիտեք, այն գրքերից, որոնք մեզ հետ վերցնում ենք արձակուրդ գնալիս, խելագարի պես կարդում ենք մինչև էջերի խունանալը ու հենց հյուրանոցային համարում էլ թողնում ենք։ Մյուս դեպքում հակառակը, ժամանակակից և որակյալ reader է, որը ընթերցանությունը դարձնում է առավել հարմարավետ զբաղմունք։ Հիմա մի փոքր կպատմենք PocketBook էլեկտրոնային գրքերի մասին և թե ինչպես ընտրել սեփական «գիրքը»։
Այսպես, ի՞նչ է PocketBook-ը։ Դա 2007թ․-ին ստեղծված կազմակերպություն է, որը մասնագիտացված է էլեկտրոնային գրքերի արտադրության մեջ։ Իր գործունեության պատմության ընթացքում PocketBook-ը ստեղծել է մի քանի տասնյակ ամենատարբեր ռիդերներ, ամենաառաջին, գ8եթե լեգենդար PocketBook 301-ից մինչև, PocketBook 640 Aqua, առաջին էլեկտրոնային գիրքը, որն այսպես ասած փոշե-ջրակայուն է։ Այն կարելի է տանել ծովափ, թաղել ավազի մեջ, լվանալ ծովի ջրով և հետո հանգիստ շարունակել ընթերցել։
Այսօր Pocketbook-ը բավականին լուրջ հակառակորդ է ոլորտի մյուս «հրեշների», օրինակ Amazon Kindle-ի համար։ Հայաստանում և´ մեկի, և՛ մյուսի սպառողները բավականին շատ են։ Ի տարբերություն Kindle-ի Pocketbook-ը կարող է կարդալ բավականին պոպուլյար fb2 ֆորմատի գրքեր, բացի այդ ֆորմատի փոփոխման հետ կապված ոչ մի խնդիր չկա, այդ առումով ռիդերը կարելի է համար «ամենակեր», կարդում է նույնիսկ ePub ֆորմատը։
Բայց դա «գրքի» միակ առավելությունը չէ․ շատ հարմար է, օրինակ, գրքերի ներբեռնումը, ընդ որում ընթերցողին հասանելի է ներբեռնման մի քանի տարբերակ։ Դրանցից ամենահեշտն է, ուղարկել գրքերը հատուկ էլեկտրոնային հասցեի վրա, ռիդերի վրա միացնել Wi-Fi-ը և վերջ, կարելի է կարդալ։ Դա շատ հարմար է, երբ ռիդերը նվիրում եք նորագույն տեխնոլոգիաներից հեռու հարազատներին։
Շատ թեթև են, կարող են տեղավորվել վերարկուի կամ պայուսակի գրպանում, ունեն լուսավորում, աչքերը խնայող էկրան, հարմար նավիգացիա։ Էկրանը սենսորային է, կառավարվում է նաև սեղմակներով։ Իդեալական նվեր կարող է լինել երեխաների համար։ Գադջեթը մոտիվացնում է փոքրիկներին կարդալ։
Pocketbook-ի ընտրությունը կախված է միայն ընթերցողի նախասիրություններից։ Միանգամից պետք է առանձնացնել «գրքի» հիմնական ֆունկցիաները․ օրինակ, կարևո՞ր է ձեզ համար լուսավորման, կամ աուդիոտարբերակով գիրքը լսելու և կամ երաժշտություն ունկնդրելու ֆունկցիան։ Պլանավորու՞մ եք կարդալ միայն սովորական գրքեր, թե հաճախ կարդում եք տարբեր սխեմաներով, գրաֆիկներով, աղյուսակներով հրատարակություններ, կարիք ունեք մեծ էկրանի թե ոչ։
Իհարկե, ֆունկցիաների վերաբերյալ նմանատիպ հարցերը վերբերվում են նաև այլ էլեկտոնային գրքերին, և ինչպես նշվեց վերևում, «գրքի» ընտրությունը միայն ձեր նախասիրություններից է կախված, սա միայն լավագույն տարբերակներից մեկն էր։
Իս՞կ գուցե դուք սիրում եք գրքի էջերից հոտ քաշել ։)
Մեկնաբանել գրառումը