Նորածին բալիկ ունեցող մայրիկների կողմից հաճախ տրվող հարցերից են, թե Ինչպե՞ս հասկանալ, արդյոք կշտանո՞ւմ է երեխան, թե՞ ոչ։
Եթե արհեստական կաթնախառնուրդ ուտող երեխաների դեպքում կան սահմանված միլիգրամներ, ապա կրծքով կերակրվող երեխաների դեպքում այն այդքան էլ պարզ չէ։
Կրծքով կերակրվող երեխաները պետք է ուտեն ըստ պահանջի, դրա համար կերակրեք այնքան, որ դուք զգաք որ երեխան այլևս չի ցանկանում կաթ ուտել։ Ի տարբերություն կաթնախառնուրդի, կրծքի կաթն ավելի դյուրամարս է։ Եթե առաջինի դեպքում սահմանված նորմայից ավել կերակրելը կարող է խցանում առաջացնել երեխայի աղիներում, ապա կրծքի կաթի դեպքում կարող եք կերակրել որքան ցանկանում է երեխան։
Երեխայի քաշը օրական պետք է ավելանա նվազագույնը 20-30գրամ։ Դա շաբաթական մոտավորապես 150-210գրամ է կազմում։
Եթե երեխան հավաքում է նվազագույն սահմանված քաշը ուրեմն նա կշտանում է, բայց, քանի որ չենք կարող ամեն օր կշռելով հասկանալ այն, առաջարկում ենք դիմել տակդիրի թեստի մեթոդին։
Հավաքեք 24 ժամվա ընթացքում օգտագործած բոլոր տակդիրները, այնուհետև հաշվեք տակդիրների քանակը, վերցրեք նույնքան չոր տակդիր և կշռեք։
Օգտագործած տակդիրների քաշի թվից հանեք չոր տակդիրների քաշի թիվը, եթե մնացորդը 300 գրամ է կամ ավել ուրեմն հանգիստ եղեք, երեխան ստանում է իրեն անրաժեշտ կալորիաները։
Քննարկում այս մասին post