Կորոնավիրուսի տարածումը կարող է տապալել 2020 թվականին նախատեսված ֆուտբոլային կարևորագույն իրադարձությունները։ Մասնավորապես, ամռանը նախատեսված Եվրո-2020-ը ըստ ամենայնի չի կայանա, և ՈՒԵՖԱ-ն Եվրոպայի առաջնությունը 2021 թվական տեղափոխելու մասին պաշտոնական հայտարարություն կանի:
ՈՒԵՖԱ-ն հաղորդագրություն տարածեց, ըստ որի՝ ֆուտբոլի Չեմպիոնների լիգայի 1/8-րդ եզրափակչի «Մանչեսթեր Սիթի»-«Ռեալ Մադրիդ» և «Յուվենտուս»-«Լիոն» հանդիպումները հետաձգվել են։ ՈՒԵՖԱ-ի պաշտոնական կայքը տեղեկացնում է, որ հանդիպումները հետաձգվել են Մադրիդի «Ռեալում» և Թուրինի «Յուվենտուսում» հայտարարված կարանտինի պատճառով։ Հիշեցնենք, որ չեն կայացել նաև Եվրոպա լիգայի խաղարկության 1/8-րդ եզրափակչի «Ինտեր»-«Խետաֆե» և «Սևիլիա»-«Ռոմա» հանդիպումները։
«Արսենալ»-ի գլխավոր մարզչի մոտ հայտնաբերվել է կորոնավիրուս: Թեստը դրական արդյունք է տվել, թիմը և մարզիչը՝ ամբողջությամբ մեկուսացվել:
Դիբալան վարակվել է կորոնավիրուսով. «Յուվենտուսի» 121 հոգանոց անձնակազմը տեղափոխվել է կարանտին: Ավելի վաղ հայտնի էր դարձել, որ կորոնավիրուսով վարակվել է «Յուվենտուսի» իտալացի պաշտպան Դանիելե Ռուգանին: Ի դեպ, թիմի հարձակվող, համաշխարհային ֆուտբոլի աստղ Ռոնալդուն այս պահին գտնվում է Պորտուգալիայում և մեկուսացված է:
Բժիշկները վիրուսի նախանշաններ հայտնաբերել են նաև Դիբալայի հայրենակից Գոնսալո Իգուաինի մոտ, որի հետազոտության պատասխանը հայտնի կդառնա ավելի ուշ:
Ինչպես ավելի վաղ տեղեկացրել էինք, անորոշ ժամանակով հետաձգվել են Ա Սերիայի և Լա Լիգայի հանդիպումները, մի շարք երկրներում էլ հանդիպումներ անցկացվում են կա՛մ առանց հանդիսականների, կա՛մ 1000-5000 հոգի սահմանափակմամբ:
Մեկնաբանել գրառումը