Ինչպես տեղեկացնում է Bloomberg.com-ը՝ հայտնի կրիպտոարժույթ Bitcoin-ի գինը գրանցել է սրընթաց գնանկում՝ հասնելով նախ 7.000$-ի, որն ամենացածր արդյունքն է 2019թ. մայիսից սկսած, այնուհետև հասել է 6.000$-ի. այսպիսի սրընթաց մեկօրյա գնիջեցում չէր եղել 2013 թ.-ից առ այսօր: Մարտի 14-ի գիշերն արդեն բիթքոինի գինը տատանվում էր 5000-5600$-ի սահմաններում:
Սա կապված է համաշխարհային ռեսուրսների գնանկումներով և կորոնավիրուսի տարածմամբ,երբ ԱՀԿ հայտարարեց, որ այն պանդեմիա է (համաճարակ)։
Սպառողական վարքագծի հետևանքով մարդիկ վաճառում են իրենց ունեցած Bitcoin-ները, որը հանգեցրել է կտրուկ գնանկման։
Նշենք նաև, որ ԱՄՆ ֆոնդային շուկան փակվել է վերջին 33 տարվա ընթացքում անկման խոշորագույն ցուցանիշով: Dow Jones ցուցիչը նվազել է գրեթե 10%-ով:
Financial Times-ի տվյալներով՝ մարտի 12-ի երեկոյի դրությամբ Dow Jones, S&P 500, Nasdaq և Russell 2000 ֆոնդային ցուցիչներն արձանագրել են 9-12% անկում:
Լրատվամիջոցների փոխանցմամբ՝ սա 1987թ. ի վեր անկման խոշորագույն ցուցանիշն է:
Նշվում է, որ Լոնդոնի FTSE-100 ֆոնդային բորսայի ցուցիչը նվազել է 10,87%-ով, ինչը ևս վերջին 33 տարվա համար ռեկորդ է: Փորձագետները ստեղծված իրավիճակը կապել են կորոնավիրուսի՝ համաշխարհային տնտեսության վրա ազդեցությամբ:
Հայտնի է, որ եվրոպական բորսաները 5-6% անկում են արձանագրել ԱՄՆ նախագահ Դոնալդ Թրամփի՝ Եվրոպայից դեպի ԱՄՆ մուտքի երեսնօրյա արգելքի մասին հայտարարության ֆոնին: Այս հայտարարության հետևանքով 5%-ով նվազել է նավթի գինը:
Discussion about this post