Մի նկարի պատմություն. Երբ Վենեսուելան դառնում է Իտալիա

«Իտալական Բոլոնյա Քաղաքում Է: Միլիարդատերը, Ում Ընտանիքը Մահացել Է Կորոնավիրուսից , Իր Ունեցած Փողերը Դուրս Է Նետել Փողոց». այս մեկնաբանությամբ ֆեյսբուք սոցիալական կայքում սկսեցին տարածվել ինչ-որ նկարներ՝ փողոցում թափված թղթադրամներով:

Քանի որ մենք ինտրիգներ սիրող ազգ ենք, ու շտապում ենք ամենաինտրիգային լուրերը մյուսներից գոնե «մի ոտք» շուտ ասել, նկարները սկսեցին տարածվել անասելի արագությամբ:

Ի՜նչ խոսք, մեկնաբանությունը լավն է, իրոք մտածելու տեղիք տվող, սակայն անգամ լավ մտադրությունը չի արդարացնում կեղծ լուրերի տարածումը:

Նկարը Իտալական չէ, այն պատկերում է անցած տարվա Վենեսուելան, երբ վենեսուելական դրամն արժեզրկվել է, և մարդիկ այն պարզապես թափում էին տներից՝ ի նշան բողոքի և անհամաձայնության:

Նմանատիպ նկարներ և տեղեկություն կարող եք գտնել այս հղումներով՝

http://magspace.ru
https://pikabu.ru