Վերջերս ֆեյսբուքում, ինչպես նաև շատ ԶԼՄ-ներով տարածվում են հազարավոր գրառումներ ու տեսանյութեր այն մասին, թե ԱՄՆ պաշտոնյաները հայտարարում են Հարվարդի համալսարանի գիտնականի ձերբակալության մասին, որը «ստեղծել» է նոր կորոնավիրուսը:
Այս տեսանյութերին է անդրադարձել Ֆրանս-Պրեսս գործակալության «factcheck»-ը՝ նշելով, որ կադրերը որևէ առնչություն չունեն COVID-19-ի հետ, և գիտնականները հերքել են այն պնդումները, թե վիրուսը միտումնավոր է ստեղծվել:
«ԱՄՆ-ը ձերբակալել է չինացի գիտնականին, որը ստեղծել է կորոնավիրուսը (sic)», – ասվում է MOB հեռուստաընկերության ավելի քան 3500 անգամ տարածած տեսանյութի վերնագրում, ֆեյսբուքյան էջ, որը ներկայացնում է Նիգերիայի նորությունները:
Տեսահոլովակում ներկայացված են ԱՄՆ արդարադատության նախարարության երկու պաշտոնյաներ, որոնք խոսում են մամուլի ասուլիսի ժամանակ, այո, նրանք խոսում են մեղադրյալի մասին, սակայն «դրանք ոչ մի ձևով չեն վերաբերում կորոնավիրուսային համաճարակին, որը խլել է ավելի քան 50,000 կյանք ամբողջ աշխարհում, ապրիլի 3-ի դրությամբ»,-այս մասին գրում է Ֆրանս-Պրեսս գործակալությունը (AFP)։
AFP-ն, օգտագործելով «InVID We Verify» գործիքը, ցույց է տալիս, որ մամուլի ասուլիսը տեղի է ունեցել հունվարի 28-ին՝ Բոստոնում։
Այն պնդումը, որ գիտնականին մեղադրանք առաջադրվել է, իրական է: Գիտնականը ձերբակալված է, սակայն գործը, ինչպես նշեցինք, որևէ առնչություն չունի կորոնավիրուսի ստեղծման հետ:
Ասուլիսում Մասաչուսեթս նահանգի դատախազ Է. Լելինգը և Բոստոնի հետախուզական դաշնային բյուրոյի (ՀԴԲ) ղեկավար Ժ. Բոնավոլոնտան հայտարարել են Հարվարդի գիտնականի և Չինաստանի երկու քաղաքացիների ձերբակալության մասին՝ Չինաստանի հետ ենթադրյալ կապերը թաքցնելու համար:
AFP- ն հայտնում է, որ ԱՄՆ դատախազները մեղադրում են Հարվարդի համալսարանի քիմիայի և քիմիական կենսաբանության ամբիոնի վարիչ Չարլզ Լիբերին այն բանի համար, որ նա թաքցրել է իր դերը Չինաստանի կառավարության՝ առևտրային գաղտնիքների գողանալու ծրագրում։
Երկու այլ գիտնականներ, երկուսն էլ Չինաստանի քաղաքացի, նույնպես մեղադրվել են ԱՄՆ-ում՝ չինացի գիտնականների կողմից ենթադրաբար հարյուրավոր գողության դեպքերի հետաքննության շրջանակներում:
Ձերբակալությունները լայնորեն լուսաբանվել են տեղական ԶԼՄ-ների կողմից։
Այս պնդումները պաշտոնապես ներկայացված են նաև ԱՄՆ արդարադատության նախարարության հաղորդագրության մեջ, որը թվագրվում է հունվարի 28-ին։
«Այսօր առավոտյան ձերբակալվել է Հարվարդի համալսարանի քիմիայի և քիմիական կենսաբանության ամբիոնի վարիչ, 60-ամյա դոկտոր Չարլզ Լիբերին, որին քրեական գործով մեղադրանք է առաջադրվել՝ նյութապես կեղծ, մտացածին և կեղծ հայտարարություն անելու կետով»,-ասվում է հունվարի 28-ի հաղորդագրության մեջ։
Նյութի կեղծ լինելուն անդրադարձել են այնպիսի լրատվական կայքեր, ինչպիսիք են Ֆրանս-Պրեսս գործակալությունը, panorama.am-ը, snopes.com-ը, en.as.com-ը, իսկ BBC-ն գիտնականի մեղադրանքին անդրադարձել էր ճիշտ ժամանակին՝ հունվարի 28-ին, և այնտեղ չկա որևէ բառ կորոնավիրուսի ստեղծման մասին:
Քննարկում այս մասին post