Նյու Յորքի կրթության դեպարտամենտն արգելում է դպրոցներին Zoom օգտագործել հեռավար դասերի համար մի քանի շաբաթ անց, երբ ուսանողները եւ դասախոսներն անցել են այդ հարթակում տեսակոնֆերանսների միջոցով դասերին, հաղորդում է Americaru-ն։
Դեպարտամենտի ղեկավար Ռիչարդ Քարանսը հայտարարել է, որ բոլոր դպրոցները պետք է հրաժարվեն այդ ծառայությունից «հնարավորինս արագ»։ Դրա փոխարեն դպրոցները պետք է օգտագործեն Microsoft-ի ռեսուրսները, որոնց շուրջ դեպարտամենտն արդեն սկսել է վերապատրաստել ուսուցիչներին եւ աշխատակիցներին, քանի որ դրանք համապատասխանում են սովորողների մասնավոր կյանքի անձեռնմխելիության մասին օրենքին։
Վերջին օրերին բազմաթիվ մտահոգություններ էին ի հայտ եկել անվտանգության խնդիրների շուրջ, որոնք հայտնաբերվել էին հարթակի օգտատերերի կողմից՝ ներառյալ քսենոֆոբական սպառնալիքներն ու պոռնոն։
Zoom հարթակում վիրտուալ հավաքները հեշտությամբ միավորվում են մեկ հղմամբ, ինչը դարձնում է հարթակը բավականին գրավիչ մեծ խմբերի համար, ինչպիսիք են դասարանները, սակայն դարձնում է օգտատերերին խոցելի պատահական, իսկ երբեմն նաեւ վիրավորական ներխուժումների համար։
Հ.Գ. Թեև մեր նախորդ նյութերից մեկում անդրադարձել էինք հավելվածին՝ նշելով, որ Zoom-ն այլևս իր տվյալները չի ուղարկում Facebook սոցիալական կայքին, այնուամենայնիվ, որոշ տեղերում շարունակում են զգուշանալ: Ի՜նչ խոսք, չպետք է նաև մոռանալ ժամանակակից աշխարհի մարկետինգային մոտեցումների մասին:
Քննարկում այս մասին post