?Oրը սահմանել է ՅՈՒՆԵՍԿՕ-ի Գլխավոր համաժողովը 1995 թվականին Փարիզում: Այս որոշումն ընդունվել է կրթության և մշակութային ավանդույթների իրազեկման նպատակով՝ նկատի ունենալով, որ գիրքը գիտելիքների տարածման և պահպանման գլխավոր միջոցն է: Միաժամանակ սահմանվել է նաև ՅՈՒՆԵՍԿՕ-ի մրցանակը՝ մանկական և պատանեկան գրականության մեջ հանդուրժողականության գաղափարի քարոզչության համար:
? Տոնը նշվում է աշխարհի ավելի քան 100 երկրում՝ գրքերի ցուցահանդեսներ և տոնավաճառներ, համաշխարհային գրականության դասականների ստեղծագործությունների հանրային ընթերցումներ և տարբեր մշակութա-ժամանցային միջոցառումներ կազմակերպելով:
✒️Օրվա ընտրությունը պատահական չէ. ապրիլի 23-ը Ուիլյամ Շեքսպիրի և Միգել դե Սերվանտեսի մահվան օրն է (որոշ տվյալներով՝ նաև Շեքսպիրի ծննդյան օրը): Հետաքրքիր է, որ մինչ օրս վիճարկվում է Շեքսպիրի հեղինակային իրավունքը` ի՞նքն է ողբերգությունների հեղինակը, թե՞ ոչ:
✍️2001 թվականից սկսած՝ գոյություն ունի այսօրվա տոնի ևս մեկ ավանդույթ. ամեն տարի ընտրվում է Գրքի համաշխարհային մայրաքաղաք: 2020 թվականին Գրքի համաշխարհային մայրաքաղաքը Կուալա Լումպուրն է (Մալայզիա): Երևանը Գրքի համաշխարհային մայրաքաղաք էր 2012-ին: Հենց այդ ժամանակ որոշում կայացվեց Հայաստանի ազգային գրադարանում բացել The Museum of Printing / Գրատպության թանգարան:
?Այս տարի համավարակով պայմանավորված՝ հետաձգվել են նաև Գրքի օրվա բոլոր հանրային միջոցառումները կամ՝ տեղափոխվել առցանց հարթակ: ՅՈՒՆԵՍԿՕ-ն կոչ է անում այս օրերին փոխանակվել պոեզիայով և գրառումներով՝ ընգծելով գրքի ուժը: «Մենք հրավիրում ենք սովորողներին, դասավանդողներին և բոլոր ընթերցողներին՝ նպաստել ընթերցանության հանդեպ սեր սերմանելուն: Բոլորիդ հրավիրում ենք ձեր փորձը ներկայացնել #StayAtHome #WorldBookDay հեշթեգերով»,- նշված է կազմակերպության այս տարվա ուղերձում:
?Հայաստանի ազգային գրադարանը ևս օրը նշում է առցանց հարթակում: (Չմոռանաք մեր հեշթեգերը՝ #Մնա_տանը_գիրք_կարդա #Կարդա_Ազգայինի_հետ #Մնա_Ազգայինի_հետ): Այս կարևոր օրվա մասին մեր մտավորականների խոսքը կներկայացնենք օրվա ընթացքում:
Աղբյուրը՝ Հայաստանի Ազգային Գրադարան
Քննարկում այս մասին post