Թուրք հայտնի լրագրող, հրապարակախոս, Հայոց ցեղասպանության կազմակերպիչներից Ջեմալ փաշայի թոռ Հասան Ջեմալը, որը բազմիցս հրապարակավ ընդունել է ցեղասպանությունը և ներողություն խնդրել, ապրիլքսանչորսյան գրառում է արել Twitter-ում։
«Ես կիսում իմ հայ եղբայրների ապրիլքսանչորսյան ցեղասպանության ցավը»,- գրել է Հասան Ջեմալը։ Այս գրառումը, սակայն, խիստ բացասական է ընդունվել սոցցանցի մի շարք օգտատերերի կողմից։
Ermeni kardeşlerimin
— Hasan Cemal (@hsncml) April 23, 2020
24 Nisan soykırım
acısını
paylaşıyorum.
Հասան Ջեմալը Հայոց ցեղասպանությունը ծրագրավորած և իրականացրած դահիճներից մեկի` Ջեմալ փաշայի թոռն է, ով ընդունել է Ցեղասպանության փաստը և ներողություն խնդրել հայերից: Այցելելով Հայաստան` նա եղել է Ծիծեռնակաբերդում` Հայոց ցեղասպանության զոհերի հիշատակին նվիրված հուշահամալիրում, որտեղ ծաղիկ է դրել և խոնարհվել հայ նահատակների հիշատակին:
Discussion about this post