Ծանո՞թ է այն իրավիճակը, երբ քեզ լավ հայտնի վայրը կամ անձնավորությունը բոլորովին անծանոթ են թվացել․․․
Հոգեբանության մեջ այս երևույթը ստացել է « ժամեվյու » անվանումը և համարվում է շատերիս արդեն ծանոթ դեժավյուի հակառակը։ Վերջինս էլ այն զգացողությունն է, երբ քեզ թվում է, թե ինչ֊որ իրավիճակ քեզ հետ արդեն պատահել էր,և այն այժմ նույնությամբ կրկնվում է։
Ե՛վ դեժավյուն, և՛ ժամեվյուն բավականին տարածված երևույթներ են․․․
Որպես սրա փաստարկ է ներկայացվում նեյրոհոգեբան Քրիս Մոուիլինի անցկացրած էքսպերիմենտը, որի շրջանակներում 92 մասնակիցների հանձնարարվել է գրել « դուռ » բառը՝ 60 վայրկյանում 30 անգամ։
Արդյունքում պարզվել է, որ նրացից 68 տոկոսի մոտ ժամեվյուի սիմպտոմներ են նկատվել, օրինակ՝ նրանք սկսել են կասկածել, թե արդյոք « դուռը » գոյություն ունեցող բառ է։
Բառը ֆրանսերենից թարգմանաբար նշանակում է « երբեք չտեսնված »: Ժամեվյուի « գործընկերներից են » նաև ժամե վեկյուն`« երբեք չպատահած », ժամե էպրուվեն՝ « երբեք չվերապրած », ժամե սյուն՝ « երբեք չիմացած », ժամե անտանդյուն՝ « երբեք չլսած » և այլն․․․
Քննարկում այս մասին post