Ինչպես շրջանցել բացասականը

Ձեր նյարդային համակարգը պահպանելու համար սովորեք ոչ թե շարունակ «կլանել» բացասականը, այլ պարզապես դրան ուշադրություն չդարձնել: Բայց ինչպե՞ս դա անել: Պարզապես հետևեք մի քանի սկզբունքների։

• Սահմաններ ստեղծեք և պահպանեք դրանք։ Միշտ, անկախ իրավիճակից, հնարավորին հեռավորություն պահեք Ձեր և բացասական մարդկանց միջև. մեզ շրջապատող մարդկանց էներգիան անմիջականորեն ազդում է նաև մեզ վրա։
• Թույլ մի տվեք ինքներդ Ձեզ դուրս գալ հավասարակշռությունից։ Հուզական պոռթկումները խանգարում են մարդուն օբյեկտիվ գնահատական տալ ցանկացած իրավիճակի: Եթե բախվում եք բացասական վերաբերմունքի, ապա ի պատասխան վիրավորանք մի արտահայտեք: Այդպես խնդիրներ չեք լուծի, բայց ինքներդ Ձեր ներսում կկուտակեք բացասական էներգիա և կտուժեք միայն Դուք։
• Մի փորձեք փոխել մեկ այլ մարդու։ Դուք չեք կարող վերահսկել այն, ինչը Ձեր վերահսկողությունից դուրս է: Ավելի լավ է դա անել ինքներդ Ձեզ հետ։
• Ամբողջ օրը մի նվիրեք Ձեր խնդիրներին։ Պետք չէ անդադար որոնել մեթոդներ ՝ իրավիճակը բարելավելու համար։ Օրվա մեջ կենտրոնացեք տարբեր բաների վրա, ստեղծեք Ձեր օրվա գույները։
• Մի կախվեք ուրիշների կարծիքից։ Ձեր ինքնագնահատականը չպետք է կախված լինի այլ մարդկանց տեսակետից: Դուք անհատականություն եք, և այն, ինչ կարծում են մյուսները, չպետք է «դիպչի Ձեզ»: Դրանով Ձեր կյանք կներխուժի ավելի շատ բացասական։

Ցավոք բացասականն այսօր մեզ շատ է շրջապատում, ուստի փորձեք սեփական միջավայրից դուրս թողնել նրան և ստեղծել Ձեզ համար առողջ ու հաճելի մթնոլորտ։

Աղբյուրը՝ innov.ru