Նույնիսկ ալկոհոլի «չափավոր քանակը» կարող է հանգեցնել հիվանդությունների․ հետազոտություն

Առողջության համար վտանգավոր է ոչ միայն հարբեցողությունը, այլեւ ալկոհոլի չափավոր օգտագործումը։ Journal of Studies on Alcohol and Drugs-ում հրապարակված հետազոտության տվյալների համաձայն, նույնիսկ ալկոհոլի «անվտանգ» քանակը կարող է հանգեցնել հոսպիտալացման եւ վաղաժամ մահվան։

Eurekalert.org-ը հայտնում է, որ նույնիսկ չափավոր խմող մարդիկ «մեկուսացված չեն վնասից», ինչպես հաստաում են գիտնականները՝ Նյութերի օգտագործման հետազոտությունների կանադական ինստիտուտից պրոֆեսոր Ադամ Շերքի գլխավորությամբ։

Պրոֆեսոր Շերքը եւ նրա գործընկերները հայտնաբերել են, որ Բրիտանական Կոլումբիայում ալկոհոլի օգտագործման հետեւանքով մահացու ելքերի եւ հաշմանդամության զգալի մասը դիտարկվել է նրանց մոտ, ովքեր ալկոհոլն օգտագործել են առողջապահության նախարարության կողմից խորհուրդ տրվող կանոնների համաձայն։ Օրինակ, ալկոհոլի հետեւանքով քաղցկեղից մահերի ավելի քան 50%-ը տեղի է ունեցել չափավոր խմողների մոտ։ Բացի այդ, ալկոհոլի հետ կապված բոլոր մահերի 38%-ը տեղի է ունեցել այն մարդկանց հետ, ովքեր խմել են ավելի քիչ, քան շաբաթական նորմալ չափաքանակն է, եւ նախկին հարբեցողների մոտ։

Գիտնականները կարծում են, որ ալկոհոլի օգտագործման չափի որոշ ազգային խորհրդատվություններ, որոնք հրապարակվում են շատ երկրներում, որպեսզի օգնեն խմողներին առողջության հարցում գիտակից որոշումներ ընդունել, կարող են շատ բարձր լինել։ Մասնագետն առաջարկում է նվազեցնել խորհուրդ տրվող սահմանները։