Այս անսովոր թեք անտառը՝ «The Crooked Forest», կազմված է մոտ 400 թեք աճող ծառերից: Այն գտնվում է Լեհաստանի արևմուտքում, Գրիֆինո քաղաքի հարևանությամբ: Այս ոչ սովորական անտառը տնկվել է մարդկանց կողմից, և տնկման տարեթիվը համարվում է 1930թ.:
Սակայն ոչ ոք չի կարողանում միանշանակ բացատրել ծառերի բների անոմալ ձևի պատճառը: Գոյություն ունեն բազմաթիվ վարկածներ:
Ըստ վարկածներից մեկի, պատճառը բնության երևույթներն են, օրինակ՝ ուժեղ քամիները թեքել են երիտասարդ ծառերի բները: Սակայն մոտակայքում կան նույն տարիքի ծառեր՝ լիովին սովորական կառուցվածքի:
Ըստ մեկ այլ վարկածի, Melampsora pinitorque սնկերը դեֆորմացրել են երիտասարդ տնկիների ցողունները: Սակայն այս աստիճանի դեֆորմացիա սնկերը չեն կարող առաջացնել:
Ըստ մեկ այլ վարկածի` պատճառը մարդկային գործոնն է: Ենթադրվում է, որ դա ինչ-որ սելեկցիոների ձեռքի գործ է, ով ցանկացել է ստեղծել այնպիսի անտառ, որտեղ հնարավոր չէ մոլորվել, այդ պատճառով էլ բոլոր ծառերը թեքված են դեպի հյուսիս:
Այս վարկածներից որևէ մեկը դեռ ապացուցված չէ, իսկ անտառի իրական ծագումը մնում է առեղծված, ինչն էլ գրավում է բազմաթիվ զբոսաշրջիկների հետաքրքրությունը:
Քննարկում այս մասին post