Աշխարհում կան հազարավոր թանգարաններ, սակայն նրանցից յուրաքանչյուրը տարբեր է ու յուրօրինակ իրեն հատուկ ձևով: Թանգարաններ այցելելով` մենք զարգացնում ենք մեր երևակայությունը, մոտեցումը տարբեր առարկաներին և, իհարկե, աշխարհայացքը:
Ներկայացնում ենք աշխարհի ամենաշատ այցելուներ ունեցող 5 թանգարանները
1. Չինաստանի ազգային թանգարան
Տարեկան այցելուների թիվը՝ 7.550.000
Թանգարանը հիմնադրվել է 2003թ.-ին ու նպատակ ունի Չինաստան եկած այցելուներին ու, ինչու ոչ, հենց չինացիներին «պատմել» Չինաստանի դարավոր պատմության ու արվեստի մասին: Այստեղ կարող եք գտնել մինչև 1.7 մլն տարվա պատմություն ունեցող իրեր, որոնք պատկանում են տարբեր դինաստիաների:
2. ԱՄՆ-ի օդային և տիեզերական ազգային թանգարան
Տարեկան այցելուների թիվը՝ 7.500.000
1976թ.-ին բացված այս թանգարանում է պահվում պատմական օդագնաց սարքերի ամենամեծ հավաքածուն:
3. Լուվր
Տարեկան այցելուների թիվը՝ 7.400.000
Լուվրը արվեստասերի դրախտ է, որտեղ կա ավելի քան 35.000 գլուխգործոց: Այն որպես թանգարան սկսել է գործել 1793թ.-ից ու դեռ մնում է առաջին պատկերասրահը, որն այսքան այցելուներ ունի:
4. ԱՄՆ-ի ազգային պատմության ազգային թանգարան
Տարեկան այցելուների թիվը՝ 7,100,000
Դինոզավրերի մասունքները, “Hope” ադամանդն ու ևս 126մլն իրերը դարձրել են այս թանգարանն ամենաշատ այցելու ունեցողներից մեկը: Գուցե պատճառը նաև այն է, որ այս թանգարանը շարունակում է զարգանալ ու ընդարձակվել։
5. Մետրոպոլիտեն թանգարան
Տարեկան այցելուների թիվը՝ 7,006,000
Նյու Յորքում գտնվող այս թանգարանն ԱՄՆ-ի ամենահարուստ գեղարվեստական հավաքածուն է առաջարկում իր այցելուներին: Պաշտոնապես գործելով 1872թ.-ից՝ այն ունի մի շարք բաժիններ, որոնք կկպչեն ցանկացած այցելուի սրտին՝ ամերիկյան գեղանկարչության և քանդակագործության բաժին, միջնադարի պատկերասրահ, Հին Եգիպտոսի արվեստ, լուսանկարչություն և ավելին:
Discussion about this post