Ժամանակակից պիցցան ի սկզբանե ստեղծվել է Իտալիայի Նեապոլ քաղաքում, սակայն քչերը գիտեն, որ «պիցցա» բառը ծագումով հունարեն է, գալիս է հունարեն pēktos բառից, որը նշանակում է պինդ կամ խցանված: Հին հույները ծածկում էին իրենց հացը յուղով, պանրով և խոտաբույսերով: Մեկ այլ անտիկ տեղեկություն՝ կապված պիցցայի նախապատմության հետ. դեռևս մ.թ.ա 6-րդ դարում Դարեհ I Մեծ արքայի հպատակ պարսիկ զինվորներն իրենց ռազմական վահանների վրա պատրաստում էին լոշիկներ՝ պատված պանրային շերտով:
Դժվար է վստահ ասել, թե ով է հայտնագործել պիցցան, այնուամենայնիվ, ենթադրվում է, որ ժամանակակից պիցցան առաջին անգամ պատրաստվել է Նեապոլի Հացթուխ Ռաֆայելե Էսպոսիտոյի կողմից:
Ներկայումս պիցցայի բազմաթիվ տեսակներ գոյություն ունեն ամբողջ աշխարհում, դրանց շարքում պիցցայի վրա հիմնված մի քանի ուտեստների տարբերակներ: Առաջին պիցցերան՝ (Antica Pizzeria Port’Alba) բացվել է 1830 թվականին Նեապոլում:
Հայաստանում պիցցան ևս համարվում է ամենահարմար, ամենաարագ և ժողովրդականություն վայելող ուտեստներից մեկը: Ու եթե դու պիցցայի սիրահար ես, ապա այս մի քանի փոքր տեղեկությունը, վստահաբար, գրգռեց քո ախորժակը: Անո՜ւշ լինի 🙂
Քննարկում այս մասին post