Աշխարհում նոր տեսակի կորոնավիրուսով վարակվածների թիվը գերազանցել է 15 միլիոնը։ Այս մասին վկայում են Worldometers առցանց թարմացվող կայքի տվյալները:
Ըստ կայքի պարբերաբար թարմացվող տվյալների՝ ամբողջ աշխարհում արձանագրվել է կորոնավիրուսի 15 098 721 դեպք, վարակի զոհերի թիվը հասել է 619 593-ի, բուժվել է 9 116 242 մարդ:
Հիվանդների և մահվան ելքերի թվով առաջատար է շարունակում մնալ Միացյալ Նահանգները, որտեղ գրանցվել է վարակման 4 028 569 դեպք, որից 144 953-ը՝ մահվան ելքով:
Վարակակիրների թվով առաջին հնգյակում են Բրազիլիան՝ վարակման 2 166 532 դեպք, 81 597-ը՝ մահվան ելքով, Հնդկաստանը՝ 1 194 085 դեպք, 28 770-ը՝ մահվան ելքով, Ռուսաստանը՝ 783 328 դեպք, 12 580-ը՝ մահվան ելքով, և Հարավային Աֆրիկան՝ 381 798 դեպք, 5368-ը՝ մահվան ելքով։
Ընդհանուր առմամբ, աշխարհում կա 11 երկիր, որտեղ կորոնավիրուսի զոհերի թիվը գերազանցել է 10 000-ը. խոսքն ԱՄՆ-ի, Բրազիլիայի, Մեծ Բրիտանիայի, Մեքսիկայի, Իտալիայի, Ֆրանսիայի, Հնդկաստանի, Իսպանիայի, Իրանի, Պերուի և Ռուսաստանի մասին է:
Առողջապահության համաշխարհային կազմակերպությունը մարտի 11-ին նոր կորոնավիրուսը համավարակ էր հայտարարել: Համավարակի օջախ Չինաստանի սահմաններից դուրս վարակը տարածվել է 213 երկրում:
Discussion about this post