Նորվեգացի հարսնացու Կամիլա Յորդը և շվեդ փեսացու Ալեքսանդր Քլերը կորոնավիրուսի համավարակի ֆոնին հայտարարված սահմանափակումների պատճառով միմյանց հավատարմության երդում են տվել իրենց երկրների միջև սահմանին, գրում է BBC-ն։
Համավարակը և երկրների միջև սահմանների փակումը ստիպել են երիտասարդներին ստեղծագործաբար մոտենալ հանդիսության կազմակերպմանը, քանի որ չեն ցանկացել փոխել իրենց ամուսնության ամսաթիվը։
Ինչպես գրում է աղբյուրը, գաղափարի հեղինակը հարսնացուն է, որը կատակով առաջարկել է ամուսնանալ սահմանին, ինչը արժանացել է ընկերների և հարազատների հավանությունը։
Զույգը խոստովանել է, որ շատ հյուրեր չէին սպասում, քանի որ արարողությունը տեղի պետք է ունենար անտառում և հրավիրված մարդիկ նշանակված վայր հասնելու համար պետք է կտրեին-անցնեին անտառը։
Հակառակ սպասումների, նշանակված օրը երկու երկրները սահմանազատող ժապավենի կողքին հավաքվել են բազմաթիվ ընկերներ և բարեկամներ։
Հրավիրված հյուրերից բացի ներկա են եղել երկու ոստիկաններ, որոնք հետևել են, որպեսզի ոչ ոք չհատի ժապավենը։
Discussion about this post