Հարստության ձգտումը մարդկության գլխավոր սպառնալիքն է. Միջազգային փորձագետներ

Հարստության ձգտումը եւ ուղեկցող չափազանց մեծ սպառումը մարդկության զարգացման գլխավոր սպառնալիքն է, կարծում են Ավստրալիայի, Շվեյցարիայի եւ Մեծ Բրիտանիայի գիտնականները, գրում է «Լենտա»-ն՝ վկայակոչելով Nature Communications-ը։

ՄԱԿ-ի տվյալներով՝ աշխարհի ՀՆԱ-ի մոտ կեսը կապված է այն ռեսուրսների հետ, որոնք մարդկությունը ստանում է շրջակա միջավայրից: Բարգավաճման աճը նպաստում է մթնոլորտում վնասակար նյութերի արտանետման ավելացմանը: Այս գործընթացն ավելի է արագ է, քան շրջակա միջավայրի պահպանմանն ուղղված նոր տեխնոլոգիաների զարգացումը: Փորձագետները չափից ավելի մեծ սպառումը վտանգավոր են անվանում մոլորակի համար եւ նշում են անհավասարության նվազեցման, ինչպես նաեւ «մարտահրավեր նետելու անհրաժեշտությունն այն տեսակետին, որ հարստությունն ու հարուստներն ակնհայտ բարիք են»:

Հունիսին հայտնի էր դարձել, որ 2020 թվականին ընդհանուր համաշխարհային հարստությունը կորոնավիրուսի հետեւանքների պատճառով կարող է նվազել 16 տրիլիոն դոլարով:  2008 թվականի ֆինանսական ճգնաժամը համաշխարհային կապիտալը կրճատել էր 10․2 տրիլիոն դոլարով:

Wealth-X ընկերության ուսումնասիրության համաձայն՝ աշխարհում հարուստ մարդկանց թիվը 2010 թվականից մինչեւ 2020 թվականն աճել է 50 տոկոսով: Համաշխարհային հարստության գրեթե մեկ երրորդը՝ 104 տրիլիոն դոլար, գտնվում է ավելի քան մեկ միլիոն դոլար ունեցվացքով մարդկանց ձեռքերում։