Արքայադուստր Դիանան չէր տեղավորվում թագավորական ընտանիքի վերաբերյալ հասարակության պատկերացումների մեջ: Բարեգործություններից մինչև հրաշալի ոճ՝ նա բրիտանական թագավորական ընտանիքի առավել հակակոմֆորմիստական անդամն էր, ինչի համար Դիանային հաճախ անվանում էին «ժողովրդի արքայադուստր»: Ձեզ ենք ներկայացնում 16 հետաքրքրական փաստ լեդի Դիի մասին:
1. Արքայադուստր Դիանան ուներ երկու քույր՝ լեդի Սառա Մակքորքոդեյլը և լեդի Ջեյն Ֆելոուզը, և երկու եղբայր՝ կոմս Չարլզ Սփենսերը և Ջոն Սփենսերը: Արքայադուստրը թվարկվածներից վերջինին երբեք չի ճանաչել, քանի որ նա մահացել է Դիանայի ծնունդից մի քանի ժամ անց՝ 1960 թ. հունվարին:
2. Դիանայի ծնողերը՝ Ֆրենսիս Շենդ Քիդն ու Էդվարդ Ջոն Սփենսերը, ամուսնալուծվել են, երբ նա ութ տարեկան էր:
3. Մորական կողմից տատիկը՝ Ռութ Ռոշը, ֆերմայի բարոնուհի էր՝ Եղիսաբեթ թագուհու ընկերուհին ու վստահելի մարդկանցից մեկը:
4. Նա մեծացել է Սանդրինգեմ բնակավայրում, որը պատկանում էր թագավորական ընտանիքին:
5. Արքայադուստր Դիանան երազում էր բալետի պարուհի դառնալ, սակայն նրան ասել էին, որ շատ բարձրահասակ լինելու պատճառով չի կարող պարել:
6. Նա լեդի դարձավ, երբ հայրը ժառանգեց Սփենսեր կոմսի տիտղոսը: Այդ իսկ պատճառով Դիանան պահպանեց իր «Լեդի Դի» անվանումն անգամ այն բանից հետո, երբ դարձավ Ուելսի արքայադուստր՝ ամուսնանալով արքայազն Չարլզի հետ:
7. Արքայադուստր Դիանան մինչև 9 տարեկանը սովորել է տանը, ապա ընդունվել դպրոց-ինտերնատ: 16 տարեկանում մեկնել է Շվեյցարիա՝ ուսանելու, սակայն այնտեղ մնացել է միայն մեկ կիսամյակ:
8. Չարլզի հետ հանդիպումից առաջ գեղեցիկ արքայադուստրն իրեն փորձել էր տարբեր աշխատանքներում, այդ թվում աշխատել էր որպես դայակ և դաստիարակ մանկապարտեզում:
9. Դիանան առաջինն էր թագավորական ընտանիքում, ով վարձատրվող աշխատանք է ունեցել:
10. Նա արքայազն Չարլզին մինչ ամուսնությունը հանդիպել է ընդամենը 12 անգամ: Ամուսնության պահին եղել է 19, իսկ Չարլզը՝ 32 տարեկան:
11. Նա առաջին էր թագավորական ընտանիքում, ով ծննդաբերեց հիվանդանոցում: Մինչ այդ բոլորը ծննդաբերում էին տանը:
12. Դիանան շնորհակալական նամակներ էր գրում իրեն նվերներ արած բոլոր մարդկանց: Ասում են՝ արքայազն Ուիլյամի ծնունդից հետո նա այդպիսի հազարավոր նամակներ է գրել: Նամակները մինչ օրս աճուրդների ընթացքում վաճառվում են 2,000-20,000 դոլարով:
13. 1987 թ. ապրիլին աշխարհում տարածվեց մի լուսանկար, որտեղ արքայադուստր Դիանան առանց ձեռնոցի սեղմում է ՁԻԱՀ-ով վարակված հիվանդի ձեռքը: Նա դրանով փորձում էր ցույց տալ, որ նման հիվանդությամբ տառապող մարդկանց հասարակությունից առանձնացնել չի կարելի:
14. Էլթոն Ջոնը, Ջորջ Մայքլը, Թիլդա Սուինթոնը և Լայզա Մինելին մի քանիսն էին Դիանայի հայտնի ընկերներից:
15. Լեդի Դիի սիրելի խումբն ABBA-ն էր: Քեյթ Միդլթոնն ու արքայազն Ուիլյամն իրենց հարսանիքին՝ 2011 թ., Դիանայի պատվին հնչեցրել են հենց ABBA-ի կատարումները:
16. Դիանայի ամուսնական մատանին թագավորական պատմության մեջ առաջինն էր, որն ընտրվել է ամսագրից:
Discussion about this post