Գույների հոգեբանությունը գովազդում

Գովազդի գլխավոր նպատակը մարդկանց մոտ ապրանքը գնելու հետաքրքրություն առաջացնելն է։ Տեղեկատվության 80%-ը մենք ստանում ենք տեսողական ընկալման միջոցով, ուստի գույների կարևորությունը գովազդում չափազանց մեծ է։

Նախքան բրենդը հանրությանը ներկայացնելը հսկայական աշխատանք ու նախապատրաստվածություն է պահանջվում։ Առաջին ու ամենակարևոր պայմանը տվյալ բրենդի գովազդի համար օգտագործվող գույներն են, որոնք անջնջելի տպավորություն են գործում դիտողի վրա։
Ահա, թե գույներն ինչ նշանակություն ունեն գովազդում։

Երկնագույն

Սա այն գույներից է, որը նշանակում է վստահություն, հուսալիություն, պատասխանատվություն։

Դեղին

Դեղինը համարվում է լավատեսական գույն։ Դրա առավելություններից մեկն արտահայտչականությունն է, որը գրավում է գնորդների ուշադրությունը։ Օրինակ՝ McDonalds-ի լոգոտիպում վառ դեղինը օգտագործվել է քաղցած մարդկանց գրավելու համար։

Կարմիր

Կարմիրը խորամանկ գույն է, օգտագործվում է ուշադրություն գրավելու համար։ Այդ իսկ պատճառով այն շատ հաճախ օգտագործվում է մեծ ակցիաների հայտարարությունների համար, քանի որ միանգամից նկատվում ու ընկալելի է դառնում դիտողի համար։

Կանաչ

Կանաչն աչքին հաճելի ու ամենաթեթև գույներից է․ խորհրդանշում է առողջություն, թարմություն ու հանգստություն։ Ահա թե ինչու է առողջապահությանն առնչվող բրենդներում գերակշռում հենց այս գույնը։

Ծիրանագույն

Այս գույնը շատ ազդեցիկ է ոչ միայն իր արտահայտչականությամբ, այլև ենթատեքստով։ Սա գովազդում իմաստության ու լավ երևակայության խորհրդանիշն է, ունի նաև հանգստացնող նշանակություն և բնորոշ է հատկապես հակատարիքային ապրանքների գովազդներին։

Վարդագույն

Վարդագույնն առաջացնում է ուրախության զգացողություն, այն նաև երիտասարդության խորհրդանիշն է։ Ընդ որում՝ բաց վարդագույնն ընդգծում է ռոմանտիկությունը։ Վարդագույնի ցանկացած երանգ բրենդին կանացիություն է հաղորդում։

Սև

Սև գույնը բիզնեսի ու շքեղության խորհրդանիշն է։ Ահա թե ինչու է այն համարվում նախընտրելի գույն երեկոյան զգեստների ու լիմուզինների գովազդի համար։

Սպիտակ

Ինչպես գիտենք սպիտակ գույնը նշանակում է մաքրություն և այս դեպքում էլ բացառություն չէ։ Այն համարվում է ամենագրավիչ գույնը գովազդում։
Հիշենք ամենահաջողակ բիզնեսներից երեքը՝ Apple-ը, Wikipedia-ն և Honda-ն, որոնք օգտագործել են սպիտակ գույնը։

Աղբյուրը՝ internest.am