Հետաքրքիր փաստեր Լուսնի մասին, որ վերջերս են հայտնի դարձել

Ավելի քան 50 տարի առաջ մարդն առաջին անգամ ոտք դրեց Լուսնի վրա: Այդ օրվանից ի վեր Երկրի արբանյակի մասին բազմաթիվ տեղեկություններ ու հետաքրքիր փաստեր հայտնի դարձան, որոնք էլ ժամանակի ընթացքում ավելացան։

Լուսնի վրա ջուր կա

2009 թ. NASA-ի ուսումնասիրությունների ընթացքում պարզ դարձավ, որ Լուսնի վրա ջուր կա: Իհարկե, այն գոյություն ունի սառույցի տեսքով: Վերջերս կատարելագործված LAMP ուղեծրային սարքավորումը թույլ է տվել իմանալ, որ ջուրն արբանյակի վրա ոչ միայն կա, այլև դրա շուրջ պտտվում է: Երևույթը բացատրվում է նրանով, որ Լուսինը մշտապես տաքանում ու սառչում է:

Լուսնի հարավային բևեռի մակերևույթին կա հսկայական մետաղական գունդ

Geophysical Research Letters գիտական ամսագրում վերջերս հրապարակված ուսումնասիրության արդյունքները վկայում են այն մասին, որ Լուսնի հարավային բևեռի վրա գնդաձև մետաղական գաղտնի օբյեկտ կա: Ըստ գնահատականների՝ դրա քաշը կարող է կազմել մոտ 2,4 կվադրիլիոն տոննա:

Որտեղի՞ց է ի հայտ եկել մետաղական գունդը: Մոդելավորումից հետո գիտնականներն եկել են եզրահանգման, որ այն կարող է լինել երկաթանիկելային աստերոիդի մնացորդ, որը Լուսնին է բախվել ավելի քան 4 միլիարդ տարի առաջ:

Լուսինը նեղանում և թրթռում է

Վերջերս գիտնականները որոշեցին ուսումնասիրել Լուսնի՝ 1969-1977 թթ. ընկած ժամանակահատվածի սեյսմիկ ակտիվության ցուցանիշները: Փաստերի համադրումից հետո պարզ դարձավ, որ լուսնային երկրաշարժերի մոտ 25%-ն առաջանում է ոչ թե ընկնող օբյեկտների, այլ խորքից դեպի մակերևույթ դուրս եկող էներգիայի հետևանքով: Դրանց արդյունքում էլ Լուսինը պարբերաբար թրթռում է, ինչը սկսվել է ավելի քան 50 միլիոն տարի առաջ:

Լուսնի վրա թանկարժք մետաղներ կան

Անխոս, Լուսնի վրա թանկարժեք մետաղների տարբեր տեսակներ կան, սակայն դրանք շատ քիչ են, և դրանց տեղափոխումը Երկիր մեծ ծախսերի հետ է կապված: Արբանյակի վրա թանկարժեք մետաղների քանակի մասին միայն հարաբերականորեն վերջերս է հայտնի դարձել: