Ամերիկյան Facebook կորպորացիան հայտարարել է ամբողջ աշխարհում Instagram Reels հարթակի գործարկման մասին, որը նման է չինական TikTok հավելվածին։
Reels-ը թույլ է տալիս օգտատերերին նկարահանել 15 վայրկյան տևողությամբ տեսահոլովակներ և դրանք փոփոխել տեսողական էֆեկտներով, երաժշտություն ավելացնելով և այլ գործիքներով: Արդյունքում՝ ստացված տեսանյութերը կտեղադրվեն օգտատերերի պրոֆիլներում հատկացված հատվածում և Explore Tab–ի առանձին բաժնում:
Տեսահոլովակը կարող է ստեղծվել առկա տեսանյութերից, հեռախոսի հիշողության հոլովակներից կամ հենց հավելվածի միջոցով: Ինչպես TikTok-ի դեպքում, այստեղ ևս կարող եք նկարահանել բազմաթիվ հոլովակներ։
Ըստ NBC-ի՝ հավելվածը ներկա պահին հասանելի է աշխարհի ավելի քան 50 երկրում, այդ թվում նաև Հնդկաստանում, որտեղ, օրինակ, TikTok-ն արգելված է կառավարության կողմից:
Discussion about this post