Սենդվիչ-վահանակները՝ որպես այլընտրանք այլ շինարարական նյութերին

Եթե​​ նախատեսում եք սեղմ ժամկետում կառուցել ավտոտնակ, պահեստ կամ որևէ այլ շինություն, հիշեք սենդվիչ-վահանակներն համարվում են մեր ժամանակների ամենահարմար, շահավետ շինարարական նյութը:

Որպես տաքացուցիչ, կարող են լինել տարբեր նյութեր, որոնց ընտրությունը կախված կլինի շենքի տեսակից և դրա նպատակներից, ինչպես նաև օգտագործման պայմաններից: Շենքի արագ կառուցման համար շինանյութեր ընտրելու հարցում կարևոր է պահպանել որոշ կանոններ: Պետք է հիշել, որ նյութերի հետ աշխատելը պետք է լինի հեշտ և արագ: Շատ նյութեր կան, որոնք հեշտ և պարզ են տեղադրվում, բայց վահանակներն համարվում են պատրաստի լուծում, քանի որ դրանց ներսում արդեն իսկ կա տաքացուցիչ և ձայնամեկուսիչ:

Պետք է նշել հիմքի քիչ ծանրաբեռնվածության մասին: Նման մոդելները թեթև են: Դրանց տեղադրման համար պարտադիր չէ, որ շենքը մեծ հիմք ունենա, ինչը հնարավորություն կտա մեծ գումար և ժամանակ խնայել: Կիրառման գերազանց որակը երաշխավորված է: Նույնիսկ, անկախ նրանից, դուք գնում եք հավաքովի թե պատրաստի վահանակներ, այս նյութը հիանալիորեն դիմակայում է տարբեր մեխանիկական վնասներին և դեֆորմացիաներին, ինչպես նաև դիմանում է եղանակային տատանումներին:

Առավելությունները՝ սենդվիչ վահանակ գնելիս

Սենդվիչ վահանակներն ունեն մատչելի գին, ինչը նրանց հիանալի այլընտրանք է դարձնում այլ շինարարական նյութերին: Նաև պետք է հավելել, որ այս նյութն ունի գերազանց տեսք, գույների լայն տեսականի: Կարող եք նաև ընտրել տարբեր ծածկույթներ, հյուսվածքներ: Գնման ժամանակ ուշադրություն դարձրեք որոշ դետալների, օրինակ՝ բլոկների մակերեսը չպետք է վնասված լինի: Սա շինությունը երկարատև օգտագործման ընթացքում ամուր պահպանելու երաշխիք է տալիս:

Խոսելով շինանյութերի ընտրության մասին ` դժվար է չանդրադառնալ այս կարևոր հարցին, թե որն է ավելի լավ` ընտրել սենդվիչ-վահանակներ՝ նախապատվությունը տալով գնին և բազմազանությանը, թե՞բետոնե կոնստրուկցիաներ՝ ընտրելով ավանդույթ և ամրություն:

Բետոնի և բետոնե կոնստրուկցիաների օգտագործումը հայտնի է տասնամյակներ: Այս շինանյութը դարեր շարունակ իրեն արդարացրել է շենքերի կառուցման գործում՝ բնակելի շենքերից մինչև գործարաններ և այլարդյունաբերական շենքեր:

Ինչպես ցույց է տալիս պրակտիկան, շենքերի կառուցման արագությունը շատ հաճախ շինարարության կարևոր պայմաններից մեկն է: Այդ պարագայում բետոնն ու դրա հիման վրա կառուցված շինությունները պարզապես չեն շահում սենդվիչ-վահանակների հետ մրցակցության մեջ:

Միևնույն ժամանակ, սենդվիչ-վահանակներն ունեն տարբերակիչ առանձնահատկություններ, որոնք նրանց օժտում են այնպիսի անփոխարինելի և իսկապես եզակի որակով, ինչպիսին է բազմակողմանիությունը: Դրանք ամուր են, քանի որ պատրաստված են դիմացկուն նյութերից: Բացի այդ, նման վահանակները կոմպոզիտային նյութ են, ինչը նշանակում է, որ դրանք բաղկացած են մի քանի շերտերից, որտեղ կա ձայնային մեկուսիչ, ջերմային արգելք և հրակայուն ծածկույթ, ինչը նրանց տալիս է մեծ առավելություն:

Իհարկե, որոշակի բետոնե բլոկներ և վահանակներ օժտված են նման որակով, բայց դրանց մեծ քաշը, զանգվածայնությունը և կառուցվածքի բարդությունը թույլ չեն տալիս նրանց մրցել սենդվիչ-վահանակների հետ:

Բացի այդ, ժամանակակից տեխնոլոգիաների շնորհիվ, սենդվիչ վահանակները, գինը և մատչելիությունը դարձել են հոմանիշ: Այլ կերպ ասած, նման վահանակներն այլևս դժվար չէ ձեռք բերել, և դրանց արժեքն էլ ավելի է մեծացնում նրանց կիրառելիությունը: Բացի այդ, սենդվիչ-վահանակների արտադրությունը անընդհատ փոփոխվում է, ինչը թույլ է տալիս դրանք օգտագործել այնպիսի բազմահարկ շենքերի, խոշոր արդյունաբերական օբյեկտների և այլ շինությունների կառուցման մեջ, որոնք նախկինում կարող էին կառուցվել միայն բետոնով:

«Բետոն թե սենդվիչ-վահանակ» հարցի պատասխանն ակնհայտ է՝ համեմատելով ամրությունը, երկարակեցությունը, հուսալիությունը, միանշանակ նախապատվությունը պետք է տալ սենդվիչ վահանակներին: Ի տարբերություն բետոնի, սենդվիչ-վահանակը թույլ է տալիս բավականին կարճ ժամանակահատվածում և առանց թանկարժեք ինժեներական և շինարարական մեքենաների և սարքերի օգտագործման կառուցել հուսալի, ամուր շենքեր:

Սենդվիչ պանելներ Երևանում

Հայաստանում ևս օգտագործում են հրակայուն սենդվիչ վահանակներ: Այս վահանակներն ունեն նաև հիդրո և ջերմամեկուսիչ հատկություններ և լայնորեն օգտագործվում են արդյունաբերության մեջ: Մասնավորապես, հենց այս նյութից է պատրաստված «Դարգեթ» գարեջրի հայկական արտադրամասը:

Հայաստանում նման վահանակի 1քմ-ի արժեքը արժե միջինը 16-60 ԱՄՆ դոլար` կախված նպատակից, ինչը թույլ է տալիս 20-30%-ով իջեցնել շինանյութերի ծախսը: Սենդվիչ վահանակներն օգտագործվում են նաև սառնարաններ, տներ կառուցելու համար:

Կարո Հովակիմյան