Ամուսնությունից հետո սկսվում է մի կյանք, որի ամբողջ ընթացքում ամուսինները զգում են միմյանց սատարելու, բարձրացնելու, մխիթարելու և օգնելու կարիքը:
Հատկապես, երբ կինը երիտասարդ է, յուրաքանչյուր մանրուք կարող է ազդել նրա տրամադրության վրա և ստեղծված հնարավոր մռայլ մթնոլորտը հաղթահարելու խնդիրը բաժին է ընկնում ամուսնուն, և սա պահանջում է պարզ քայլերի հմտություններ, որոնց մենք սիրով կծանոթացնենք ձեզ:
1. Գրկեք նրան:
Հպման զորությունը կարևոր է առողջ ամուսնական կյանք վարելու համար:Գրկախառնությունների ընթացքում օրգանիզմում արտադրվում է օքսիտոցին հորմոնը, որը օգնում է հաղթահարել սթրեսը և նյարդային լարվածությունը: Գրկելով նրան, դուք արտահայտում եք ձեր սերն ու հոգատարությունը,նա իրեն սկսում է զգալ կարևոր և պաշտպանված, եթե նույնիսկ ոչ մի բառ չասեք այդ ընթացքում:
2. Լսեք նրան:
Հաջողության բանալին “լսել” բառն է, ոչ թե “ուղղել” -ը:Կանայք հիմնականում ցանկանում են խոսել, պատմել ինչ-որ մեկին իրենց խնդիրների մասին, նրանք կարիք չունեն սպիտակ ձիով ասպետի, ով կգա և կփրկի այդ դժվարություններից,նրանց պետք է լսել:Թույլ տվեք ձեր կնոջը պատմել, թե ինչու է մռայլ և ինչու է օրն այդքան ծանր իր համար:
3. Հաճոյախոսեք նրան:
Երբ ձեր կինն ունենում է ծանր օր, երբ տրամադրության հետ ինչ-որ բան այն չէ, լավագույն բանը, որ դուք կարող եք անել, դա օգնել տեսնել նրան ինչ-որ լավ բան իր մեջ: Օգնեք նրան տեսնել իրեն ավելի ուժեղ, կենտրոնացրեք նրա ուշադրությունն իր առավելությունների, իր գեղեցկության վրա:Գեղեցիկ և նրբորեն սկսեք ձեր խոսքերով ընդգծել նրա բոլոր առավելությունները:
4. Սիրեք նրան:
Երբ ձեր կինը մռայլ է,շատ հեշտ կլինի վեճի բռնվել նրա հետ: Մի արեք դա, եղեք բարի և համբերատար, տվեք նրան ժամանակ հանգստանալու համար: Սկսեք օգնել նրան տնային գործերում, կամ պարզապես առաջարկեք նրան դուրս գալ և զբոսնել : Միգուցե նա պարզապես լիցքաթափվելու կարիք ունի, փորձեք կտրել նրան ամենօրյա հոգսերց, ընտրեք նրա ամենասիրելի ֆիլմը և գեղեցիկ կինոդիտման երեկո կազմակերպեք: Դուք պետք է անեք հնարավոր ամեն բան, որպեսզի նա հասկանա, որ անկախ ամեն ինչից դուք սիրում եք իրեն:
5. Ապահովեք հանգիստ նրա համար:
Եթե դուք գիտեք, որ ձեր կինն ունեցել է ծանր օր երեխաների հետ, առաջարկում ենք պատվիրել որևէ պատրաստի ուտեստ, որպեսզի նա ատիպված չլինի մնացած ժամանակն անցկացնել խոհանոցում: Վերցրեք ժամանակ երեխաների հետ անցկացնելու և թույլ տվեք, որ ձեր կինն առանձնանա իր սենյակում,հանգստանա, ընթերցի իր սիրելի գիրքը, կամ պարզապես զբաղվի իրենով: Սիրո և խաղաղության մթնոլորտում յուրաքանչյուր լարվածություն ավելի հեշտ է հաղթահարվում:
Վերջում միայն կավելացնենք, որ դուք ի զորու չեք ակնթարթորեն փոխել ձեր կնոջ մռայլությունը պայծառության, բայց դուք եք ընտրում, թե ինչպես արձագանքել դրան : Եվ ընտրելով ամենադրական միջոցները դուրս բերելու համար նրան այդ տրամադրությունից, դուք անկասկած կհասնեք հաջողության` դիպչելով նրա սրտին:
Թող որ սերը, խաղաղությունը, ուրախությունն ու արդարությունը թագավորեն ձեր փոխհարաբերություններում:
Մեկնաբանել գրառումը