Մի երեկույթի ժամանակ միմյանց են հանդիպում մի քանի տղաներ և աղջիկներ, միասին նստում են մի սեղանի շուրջ և սկսում են իրար հետ ծանոթանալ, ամեն մեկը պետք է իրեն կարճ ներկայացնի: Հերթը հասնում է մի աղջկա, և երբ նա ուզում է ներկայանալ, այդ պահին տղաներից մեկը միջամտում է և ասում.
– Թույլ կտա՞ք, ես՝ ինքս, Ձեզ նկարագրեմ: Եվ նա աղջկան սկսում է ծանոթացնել՝ բնութագրելով նրան:
Աղջիկը զարմացած նայելով տղային հարցնում է.
– Կներեք պարոն, մենք երբևէ իրար չենք տեսել և առաջին անգամ ենք հանդիպում: Դուք որտեղի՞ց այդքան բան գիտեք իմ մասին: Կամ ո՞վ է պատմել այդ ամենը Ձեզ:
Տիրում է մի պահ լռություն, և տղան շարունակում է …
– Այո, Ձեր մասին ինձ շատ բաներ են ասել, այն էլ շատ մանրամասնությամբ:
Աղջիկը սկսում է կարմրել և աչքերը լայն բացելով, էլ ավելի լարելով ուշադրությունը:
Տղան շարունակում է ասելով.
– Օրիորդ, ոչ թե ով, այլ ինչն է պատմել ինձ Ձեր մասին, շատ անգամ խոսքերը ավելորդ են, կամ էլ չափազանցված, բավական էր միայն կողքից հետևել Ձեզ և ամեն բան պարզ էր դառնում: Դուք շատ ճաշակով եք, այդ ամենը երևաց Ձեր հագուստից, շատ դաստիարակված եք, դա երևաց Ձեր պահվածքից, դուք նաև կիրթ եք կամ էլ լավ ինքնազարգացած, այդ ամենը երևաց, երբ դուք շփվում էիք տարբեր մարդկանց հետ, և խառնվում էիք բոլորի խոսակցություններին, նայելով Ձեր ձեռքերին և ոտքերին, պարզ է դառնում, որ նաև մաքրասեր եք: Միայն մի բան չհասկացա, դուք էիք պատկանում բարոյականությանը, թե բարոյականությունն էր Ձեզ պատկանում: Կներեք օրիորդ, մի գուցե սխալվեցի, բայց այդ ամենը վառ արտահայտված էր Ձեզանում, միայն կույրը չէր նկատի այդ ամենը:
Այսպիսով, կարող է մարդը իր մասին ոչինչ չխոսել, բավական է նրա ճիշտ պահվածքը: Մարդը շատ հաճախ հնարավորություն չի ունենում իրեն ներկայացնելու: Սա առաջին հայացքից է այդպես թվում: Մի երեկույթի ժամանակ՝ տղան թե աղջիկը, կարող են ներկայանալ երկու կամ երեք մարդու: Իսկ պահվածքը, վարքը մարդուն տալիս է հնարավորություն բոլորին ներկայանալու: Պետք է յուրաքանչյուր մարդ մեծ ուշադրություն դարձնի իր վարքին, քանի որ այն քո մասին շատ բան է ասում, անգամ այնպիսի մանրամասնություններ, որոնք մարդը՝ ինքը, չէր կարող պատմել:
Հիմա հասկանու՞մ եք, որ մեր վարքի, պահվածքի մեջ է մեր անունը: Թե ինչպիս՞ին կլինի մեր անունը, միմիայն մեզանից է կախված:
Discussion about this post