Հույսը

Օդից թեթև թեթևություն,
Սիրուց սեր,
Արևից լույս
Կտամ ես քեզ,
Մի մեղեդի լռությունից,
Աղմուկից՝լոկ շշուկ կեսձայն
(Քո ձայնը ե՞րբ կկարդաս ինձ):

Բարությունից ինչքան ունեմ , կտամ ողջը
Առանց կտրոն, առանց կշիռ, անվերադա՜րձ…
Տառապանքդ՝ տառապանքից,
Հոգսդ հոգսից կբաժանեմ,
Ծանր բեռդ կկիսեմ միշտ,
Ու դժվարը կդառնա հեշտ,
Փակ ճանապարհն անցանելի,
Մութ ամպերը՝մաքուր երկինք:

Ձեռքը բռնող ձեռքեր են պետք,
Վերքը բուժող՝ դեղամիջոց:
Հիմքին ամուր շաղախ է պետք,
Տանը՝պատեր, պատերին՝ հիմք:

Փոխշահավետ ընկերություն
Առաջարկել չեմ կարող ես,
Անշահ կարիք ունեմ ասելու՝
Ես հուսով եմ, ես հուսով եմ, որ հույս ունես:

Գարմար