Առանց ցավի

Առանց ցավի,
Ոչինչ, ոչ ոք
Դեռ չի ծնվել,
Ու չի մեռնի
Առանց ցավի:
Ու իզուր եմ ես հավատում
Հեշտ ստեղծվող
Անցավ երգին…

Նաև մարդկանց
Սուտ խոսքերին,
Ովքեր շատ հեշտ
Վեր են ելել
Ու մատնում են տառապանքի
Նրանց, ովքեր, ցածում կանգնած,
Երազում են
Վեր բարձրանալ առանց ցավի:
Հոգին անգամ դատարկ տեղ է
Ու չի կարող լցվել սիրով
Առանց ցավի:

Ցավել է պետք,
Եվ ուրիշի ցավով ապրել,
Շատն զգալով` քիչ տառապել,
Ապրել հանգիստ ու անհանգիստ,
Որ անտարբեր սառնությունը
Բուն չդնի մարդու հոգում
Առանց ցավի:

Գարմար