Արկանսասում մահացել է աշխարհի ամենածեր կինը՝ 116-ամյա Գերթրուդ Ուիվերը:
Ըստ Լոս Անջելեսում գործող ծերաբանական հետազոտական կենտրոնի ներկայացրած փաստերի՝ Ուիվերը ծնվել է 1898թ.-ին:
Դիարանի տնօրինությունից հաստատել են, որ Ուիվերը մահացել է երկուշաբթի օրը՝ ուղիղ ժամը 10.00-ին, Քամդենի «Սիլվեր Օաքս» վերականգնողական կենտրոնում:
Քամդենի քաղաքապետ Մարի Տրիսոլինին խոսել է երկարակյաց Ուիվերի հետ, երբ իր սենյակակիցը տոնում էր իր 100 ամյակը:
-Նա իսկապես քաղցրաբարո էր, համբերատար, ուրախ և հետևողական,-ասաց Մարի Տրիսոլինին: Եթե դուք հարցնեիք թե, որն է երկարակեցության գաղտնիքը, ապա նա կպատասխաներ, որ պետք է վստահել Աստծուն, բոլորին լավ վերաբերվել, սիրել դիմացինին, շատ աշխատել, ուտել միայն տանը պատրաստված ուտեստներ, և ո՛չ թե արագ սնունդ:
Տրիսոլինին ասաց, որ ծերանոցի աշխատակիցները և համայնքի որոշ անդամներն արդեն ծրագրել էին, թե ինչպես էին նշելու Ուիվերի 117 ամյակը, Ուիվերը հայտնել է ծերանոցի աշխատողներին, որ իր ծննդյան տոնին ցանկանում է հրավիրել Բարաք Օբամային, քանի որ իրեն արդեն 2 անգամ ընտրել է, սակայն…
Մեկնաբանել գրառումը