Սրամիտ ճարտարապետական լուծումներով կառույցներ

Մարկ Կուշերը մեր օրերի հայտնի ճարտարապետներից է, նրա գործերը նպատակաուղղված են նոր լուծումներ առաջարկելու և վերանայելու բնակելի շենքերի, առանձնատների ու տարբեր այլ կառույցների դիզայնը:

Մանհեթենցի ճարտարապետը վստահ է, որ ապագայում ճարտարապետությունը գնալով ավելի կրեատիվ և բազմազան կդառնա:

«Փոխարենը մի ոճից մյուսին անցնելուն՝ ճարտարապետությունը թևակոխում է վայրի փորձարկումների դար և վերադառնում անսովոր ճարտարապետական լուծումներին:

Ամեն մի սելֆի, որն ինչ-որ մեկն անում է կառույցի առջև, ամեն մի մեկնաբանություն, որն ինչ-որ մեկը թողնում է վայրի վերաբերյալ՝ ընդլայնում է երկխոսությունը ճարտարապետության շուրջ: Ես հուսով եմ, որ մարդիկ կսկսեն նայել իրենց շուրջ քննադատորեն՝ բողոքելով ձանձրալի միօրինակությունից և պահանջելով նոր գաղափարներ կիրառել»:
Օրինակ՝ այսպես:

Ընտանիք, Փլեյլեբ և լողավազան

Նյու Յորք քաղաքը շրջապատված է ջրով, սակայն դուք չէիք ցանկանա լողալ այնտեղ, քանի որ ամեն անգամ երբ անձրևում է, կեղտաջրերը թափվում են հենց այդ գետերի մեջ: Այս ամենը փոխվելու է հասարակական ֆինանսավորման նախաձեռնության շնորհիվ՝ աշխարհի ամենաառաջին ջուր ֆիլտրող, ջրի վրա լողացող ջրավազանի  կառուցմամբ: Այս հսկա ջրավազանը կֆիլտրի կես միլիոն  գալոն գետի ջուր ամեն օր՝ ավելի մաքուր դարձնելով ջուրը և  ստեղծելով հասարակության կողմից շատ պահանջված հարմարությունը, որն էլ կմիավորի քաղաքային ջրային տարածքների հետ:

Վենդի: Ճարտարապետ՝ Հոլվիչ Կուչներ

Կարո՞ղ է ուրախությունը դառնալ առօրեական:

Մեր օդն օր օրի ավելի է աղտոտվում, հատկապես քաղաքներում: Ու՞մ օգնությանը կարող ենք դիմել:
Տե՛ս Վենդին՝ Լոնգ կղզի քաղաքում, Քուինզները՝ Նյու Յորքում:

Վենդին ընդլայնում է իր մակերեսը տիտանի նանոմասնիկների կաղապարված կեղևի բացահայտումով:

Այս մակերեսի ամեն ոտնաչափ քառակուսին օդից ներծծում է ածխածնի երկօքսիդ, որը միանգամայն համարժեք է 250 մեքենա ճանապարհից հանելուն:
Ամենալավն այն է, որ Վենդին ունի անհատականություն: Նա մեծ է, կապուտ, սուր և ցայտեցնում է ջուր, նաև ունի անուն:

Ծրագիրը և՛ հասարակական, և՛ էկոլոգիական փորձարկում էր:
Ճարտարապետությունը նույնպես կարող է անձնավորվել և օգնել Երկիր մոլորակին:

Գազալցակայան և մակդոնալդս: Ճարտարապետ՝ Ջիորջի Համալդզ

Կարո՞ղ է փոքրիկ կանգառը վերածվել իրական  հանգստի:

Այս գեղեցիկ կանգառը գտնվում է Վրաստանի ծովափնյա Բաթումի քաղաքում: Այն գազալցակայան է, ռեստորան, հասարակական այգի, և բյուրեղյա լողավազան:

Իսկ ինչու՞ գազալցակայանը չպետք է առաջարկի այլ  հարմարություններ ճանապարհորդների համար:

Տուն ծառերի համար: Ճարտարապետ՝ Վո Տրոնգ Նգհայ

Կարո՞ղ է ծառից տունը դառնալ տուն ծառի համար:

Վիետնամի արևադարձային անտառները ճանապարհ են հարթել դեպի խիտ քաղաքներ:
Հո Չի Մին քաղաքի 0,25 %-ը ծածկված է ծառերով:
Բնակիչներին օգնելու՝  վերամիավորվելու և հաղորդակցվելու բնության հետ, ճարտարապետները կիսել են տունը 5 մասերի, իսկ տանիքը վերածել՝ հսկայական տունկիների:

Եթե այս գաղափարն ապագայում մուտք գործի այլ տներ, ապա կանաչ տարածքները կարող են հավաքել և ֆիլտրել բավականաչափ ջուր՝ նվազեցնելով համաքաղաքային հեղեղները:

Նյութաուն Քրիկ՝ կեղտաջրերի մաքրման կայան: Ճարտարապետ՝ Էնիդ:

Կարո՞ղ է տգեղը դառնալ գեղեցիկ:

Նյութաուն Քրիկը Նյու Յորքի 14 կեղտաջրերի մաքրման  կայաններից ամենամեծն է: Քաղաքը կարող էր հեշտորեն  ձևավորվել ուտիլիտար դիզայնով, բայց փոխարենը որոշվեց  տրամադրել 4.5 միլիարդ դոլար հնացած և շրջակա  միջավայրի համար անձայն կեղտաջրերի կոյուղու սարքի  հիմնանորոգման համար՝ հետևելով շրջակա բնակելի  թաղամասերին համապատասխան դիզայնին, աշխատելով մի թիմի հետ, որի մեջ ներառված են լուսավորություն ապահովող մասնագետներ, քանդակագործ, որը պատասխանատու է միջավայրի համար և ճարտարապետներ, ովքեր ստեղծել են համալիր՝ օգնագործելով տարբեր ձևեր, նյութեր և գույներ՝ ստեղծելու ապշեցուցիչ տեսողական հորինվածք:

Ճարտարապետական արդյունաբերությունն այլևս կարիք չունի թաքնվելու:

Նորվեգական վայրի հյուսիսային եղջերուի տաղավար: Ճարտարապետ՝ Սնոհետա:

Ի՞նչ է անում հյուսիսային եղջերուն ամբողջ օրը:

Արշավային արահետը տանում է դեպի դիտարժան վայր՝ Նորվեգիայի Դեվրոֆժել լեռնաշղթա, որտեղ վերացման եզրին  գտնվող վայրի եղջերուների նախիրների տունն է:

Տպավորիչ տաղավարը այցելուներին թույլ է տալիս տաքանալ  տեղական հյուսիսային եղջերուներին հետազոտելու ընթացքում:
Կառույցը իրենից ներկայացնում է արտաքին կեղևի, կոնաձև, փափուկ փայտի, ապակե տների նյութական կոնտրաստ:
Ճարտարապետությունը պարգևատրվում է համարձակությամբ:

Գետնասունկ: Նարեկացի ստուդիա

Ի՞նչ կլինի, եթե կովը կառուցի ձեր տունը:

Այս փորձնական կառույցը, Իսպանիայի Լեքս քաղաքում կառուցելու համար, մի խումբ ճարտարապետներ փորել են անցք և խոտով լցնելով շրջապատել այն: Այն կոչվում է գետնասունկ:
Խոտը չորանալուց հետո՝ Պաուլա անունով մի հորթ մտնում է այդտեղ և ուտում խոտը մի տարի շարունակ, որի ընթացքում դուրս է գալիս փոքրիկ քարանձավ:

Այն ուշագրավ, սարսափելի փոքրիկ կառույց է, որը դարձել է հիանալի վայր իսպանական մայրամուտ դիտելու համար: Այն նաև ապագա կառույցների ամենակարևոր դրույթների, հայտնի տեխնիկայի հուսալիության, առաջնայինը բնապահպանության և փայլուն պարզության համադրություն է և մուու՜:

Մուսեո Սումայ:  Ֆերնարդո Ռոմերոյի ձեռնարկություն

Արդյո՞ք գեղեցկությունը կարելի է համարել հասարակական հաճույք

Այս ձևը կոչվում է շրջված ռոմբոիդ: Մեխիկո քաղաքի այս թանգարանի շենքը պատված է շողացող հայելային ծածկույթով և 16.000 վեցանկյուն սալիկներով:

Նմուշները խորհրդանշում են Մեխիկոյի ավանդական գաղութային կերամիկա-սալիկապատ շինարարական ֆասադները, և ինչպես այլ այդպիսի կառույցներ՝ փոխում են տեսքը եղանակի հետ և դիտորդի տեսանկյունից դառնում քանդակ:

Թանգարանի տեսքն այնքան կարևոր է, որքան դրանում ներկայացված արվեստի նմուշները:

Այսպիսով, սիրելի ընթերցողնե՛ր, եղե՛ք ստեղծագործ և փորձեք ստեղծել այնպիսի բաներ, որ ոչ թե վնաս հասցնեն շրջակա միջավայրին, այլ ստեղծեն բարենպաստ պայմաններ, լինեն օգտակար և հաճույք պատճառեն: