Հանրաճանաչ դերասանուհի Ջուլիա Ռոբերտսը, իր բազմաթիվ տիտղոսների կողքին, 2001 թվականին ստանում է նաև տարվա ամենագեղեցիկ տիկնոջ՝ «Կանացիություն» մրցանակը:
Հարցազրույցի ժամանակ նրան հարցնում են.
– Ո՞րն է Ձեր գեղեցկության գաղտնիքը:
– Ես երբ փոքր էի, ինձ գրեթե բոլորը ծաղրում էին: Ծաղրում էին հիմնականում իմ արտաքինի համար: Ծաղրողները բավականին գեղեցիկ աղջիկներ էին: Երբ ես մեծացա, հասկացա, որ գեղեցիկ լինելը բավարար չէ, պետք է կարողանալ կրել հմայքը, նաև գեղեցիկ ներկայանալ: Ես սկսեցի գեղեցկանալ ներսից:
Երբ ներքինդ լույսի մեջ է, այն նաև լուսավորում է արտաքինդ:
Գեղեցիկ կինն այն կինը չէ, որն ունի գեղեցիկ արտաքին: Այլ գեղեցիկ է այն կինը, որ խնամքով խնամված է, բարի է, համեստ, խոհեմ է, կարողանում է իրեն պարկեշտ դրսևորել, հատկապես երբ շուրջբոլորը տղամարդիկ են: Ձայնը չի բարձրացնում, շարժումների մեջ հավաքված է, առաքինի, միանգամայն հավասարակշռված… և նման շատ կարևորագույն հատկանիշներ:
«Գեղեցիկ լինելը դեռ քիչ է, պետք է կարողանալ այդ գեղեցկությունը գեղեցիկ ներկայացնել: Եվ դա ոչ թե կոսմետիկայի ուժն է, այլ դաստիարակված լինելու ուժը». Ջուլիա Ռոբերտս:
Հ.Գ. Ամերիկյան օսկարակիր դերասանուհի Ջուլիա Ռոբերտսն, ով մեծ հռչակ ձեռք բերեց «Սիրունիկը» ֆիլմում նկարահանվելուց հետո, ամենաբարձր վարձատրվող դերասանուհիներից է աշխարհում: Նրա մասնակցությամբ ֆիլմերի համար վարձակալվող բոլոր տոմսարկղերի շահույթը գերազանցում էր 2 մլրդ դոլարի շեմը: Բացի այդ, աշխարհի տարբեր երկրներում բազմաթիվ սոցհարցումներ ցույց են տվել, որ նա հանդիսանում է 21-րդ դարասկազբի ամենասիրված և օրինակելի կերպարներից մեկը:
Discussion about this post