Իսպանիայի չեմպիոն «Ատլետիկո Մադրիդ» ֆուտբոլային ակումբի և Ադրբեջանի Զբոսաշրջության նախարարության միջև կնքված համագործակցության պայմանագրի ժամկետն սպառվում է մրցաշրջանի ավարտին: Մադրիդի Ռեալի հետ հանդիպումից առաջ Ատլետիկոյի խաղացողների մարզաշապիկի վրայի “Azerbaijan: Land of Fire” գրառումը փոխարինվեց առաջին «Եվրոպական խաղերի» մասին “Baku 2015” գրությամբ:
Ակումբի նախագահ Միգել Անխել Խիլը 2012թ. դեկտեմբերին Բաքու կատարած այցի ժամանակ ստորագրել էր 12 մլն եվրո արժողությամբ համաձայնագիր, ըստ որի SOCAR ընկերությունը (the State Oil Company of Azerbaijan Republic) դարձել էր Մադրիդի «Ատլետիկոյի» պաշտոնական հովանավորը:
Այժմ թիմը նոր հովանավոր է փնտրում գալիք մրցաշրջանի համար: Հավանական գործընկեր կազմակերպությունների թվում նշվում է Turkish Airlines ավիաընկերությունը, որի հետ պայմանագրի կնքմանը կարող է նպաստել Ատլետիկոյի թուրք կիսապաշտպան Արդա Թուրանի ներկայությունն ակումբում:
Discussion about this post