Հին Եգիպտոսի շշմեցուցիչ և հսկայական հուշարձանները երբեք չեն դադարել հիացնել և զարմացնել բոլոր այցելուներին:
Անապատային շոգը, լույսը և տեսարանն ուղղակի ակտիվացնում են և տալիս նոր լիցքեր, իսկ զով, փիրուզագույն ջրերը՝ երիտասարդացնում:
Նավով ռոմանտիկ շրջագայությունը աշխարհի ամենաերկար գետով կամ Սաֆարի անապատում մոտոցիկլետով կամ ջիպով ուղևորությունն ուղղակի կպարուրեն սուր զգացողություններով:
Խոսքերն ավելորդ են նկարագրելու Կարմիր ծովի հիքիաթային բուսական և կենդանական աշխարհը, որոնք արկածային ջրասուզում են խոստանում, իսկ հսկա և հզոր փարավոններն, արդեն դարեր շարունակ, սպասում են Ձեր այցին:
Հետաքրքիր է իմանալ
Եգիպտոսն աշխարհի 29-րդ մեծ երկիրն է՝ 1,002,450 կմ քառակուսի տարածքով:
Այն տեղակայված է Աֆրիկա մայրցամաքի հյուսիս-արևմտյան հատվածում՝ Միջերկրական ծովի վրա: Հարավ-արևելքում սահմանակից է Իսրայելին և Պաղեստինին՝ Կարմիր ծովով:
Եգիպտոսի Արաբական Հանրապետության դրոշը կազմված է 3 ուղղանկյուններից՝ սև, սպիտակ և կարմիր, որոնցից յուրաքանչյուրն ունի իր հատուկ նշանակությունը, իսկ կենտրոնում ոսկե արծիվն է, որը երկրի խորհրդանիշն է, ինչպես նաև՝ հզորության:
Կարմիրը խորհրդանշում է փառքը, սպիտակը՝ մաքրությունը, իսկ սևը խորհրդանշում է գաղութատիրական ժամանակաշրջանները, որոնք հաղթահարվել են:
Եգիպտոսի պետական լեզուն արաբերենն է, սակայն առավել զարգացած և կրթված շրջաններում մեծ տարածում ունեն նաև անգլերենը, ֆրանսերենը, գերմաներենը, իտալերենը և իսպաներենը:
Եգիպտոսի գլխավոր օդանավակայաններն են՝ Կահիրեն, Ալեքսանդրիան, Լուքսորը, Խուրգադան և Շարմ-Էլ-Շեյխը:
Ի՞նչ եք ցանկանում տեսնել Եգիպտոսում
Եթե ցանկանում եք տեսնել հնամենի պատմություն ունեցող, հզոր և կանգուն բուրգերը՝ ապա այցելեք Կահիրե կամ Ալեքսանդրապոլ:
Կահիրեն Եգիպտոսի մայրաքաղաքն է, որը լի է պատմական վայրերով և հուշարձաններով:
Կահիրեում ամենաշատ այցելվող վայրերն են` Գիզայի բուրգերը և եգիպտական թանգարանը:
Կահիրեից 225 կմ. հեռավորության վրա է գտնվում Ալեքսանդրիա քաղաքը, որը Եգիպտոսում 2-րդ ամենամեծ քաղաքն է, և հայտնի է որպես Միջերկրական ծովի մարգարիտ մականունով:
Խուրգադան Եգիպտոսի հին և հայտնի, ինչպես նաև մատչելի ծովափնյա հանգտյան գոտիներից է, որտեղ հարմար է հանգստանալ ամբողջ ընտանիքով:
Այստեղ եղանակը համեմատաբար մեղմ է, հատկապես` աշնանը:
Տարածքում կան մոտ 200 հյուրանոցներ, որոնք «տարիքն առած» են, սակայն համեմատաբար ավելի մատչելի են, քան մյուս հանգստյան գոտիների հյուրանոցները:
Շարմ-Էլ-Շելխը Եգիպտոսի ամենաթանկ, սակայն ամենալավ սպասարկում ունեցող հանգստյան գոտին է: Այստեղ թանկ են նաև սնունդը և ժամանցային վայրերը:
Գրեթե ամբողջ ափի վրա, 2-3 գծով տեղակայված են հյուրանոցներ: Գրեթե ամբողջ լողափը լի է կորալներով (վառ կարմիր, վարդագույն կամ սպիտակ սուր ծայրեր ունեցող քարեր), որոնց կարելի է հանդիպել հենց ջրի եզրին: Փոքր ինչ անհարմար է լողալը, սակայն հրաշալի հնարավորութոյւն է ընձեռում ուսումնասիրելու Կարմիր ծովի կենդանական աշխարհը:
Առանց հատուկ կոշիկների լողալ թույլատրվում է միայն հատուկ սահմանված տարածքներում կամ Շարմ-Էլ-Մայայի ծովածոցում, որտեղ կա, այդ տարածքում միակ, ավազե լողափ:
Ինչ չի կարելի անել կամ տանել
Լողափից կորալներ հավաքելն անիմաստ է, քանի որ դրանց դուրսբերումը Եգիպտոսից արգելվում է, իսկ դուրսբերողին պատժում են զգալի տուգանք գանձելով, սակայն դրանք կարող եք գնել խանութներից՝ հուշանվերի տեսքով՝ սահմանին ցույց տալով խանութի անդորրագիրը: Այս կանոնը գործում է նաև ծովային խեցիների, փղոսկրի և այլ գտած իրերի դեպքում:
Այլ տարադրամների մուտքը և ելքը սահմանափակ չէ: Առանց մաքսային տուրք վճարելու կարելի է տանել՝ սեփական օգտագործման իրեր, 200 ծխախոտ, 50 սիգար, 1 լիտր ուժեղ սպիրտ կամ 2 լիտր գարեջուր:
