Կարևոր չէ, թե դուք տեղաշարժվում եք անվասայլակի օգնությամբ 1 շաբաթ, թե 10 տարի, միևնույն է, մարդիկ կշարունակեն Ձեզ ամենախելագար հարցերը տալ: Եվ ես գիտեմ պատճառը. մարդիկ միշտ արտառոց վերաբերմունք են ցուցաբերում այն ամենի հանդեպ, ինչը տարբեր է, և անվասայլակները անմասն չեն մնում դրանից:
Մարդիկ հաճախ անհեթեթ ու վիրավորական բաներ են ասում անվասայլակով տեղաշարժվող մարդուն, բայց շատ հաճախ դրանք ուղղակի չմտածված խոսքեր են: Եթե չես ուզում հիմարի կարգավիճակում հայտնվել, երբ կողքդ անվասայլակով տեղաշարժվող մարդ կա, ապա կարդա այս տաս կետերը, որոնք երբեք չպետք է հարցնես կամ համարձակվես ասել անվասայլակի օգնությամբ տեղաշարժվող մարդուն:
1.Մի փոքր կամաց. արագությունը գերազանցող քարտ կստանաս
Ճիշտ է, մենք տեղաշարժվում ենք չորս անիվների օգնությամբ, բայց չպետք է այս չորս անիվները համեմատել մնացած չորս անիվ պարունակող փոխադրամիջոցների, օրինակ հեծանիվի կամ մեքենայի հետ: Ես անվասայլակի օգնությամբ եմ տեղաշարժվում շուրջ քսան տարի, ես մոտ 1000 անգամ լսել եմ սա պատահական անցորդներից: Հիշի´ր, սա ծիծաղելի չէ, և պարզապես մի հարցրու:
2.Ի՞նչ է քեզ հետ պատահել
Անվասայլակի օգնությամբ տեղաշարժվող մարդուն նրա հետ կատարվածի մասին հարցնելու համար հազարավոր այլ եղանակներ կան: Պատճառը պարզելու համար ավելի քաղաքավարի ձևեր կան, բայց, եթե դուք նրան այդքան էլ լավ չեք ճանաչում, ապա պարզապես մի հարցրեք: Իրականում դա ձեր գործը չէ, ոչ էլ հարմար պատրվակ է անծանոթ մեկի հետ խոսակցություն սկսելու համար:
3.Ինչքա՞ն արագ կարող ես տեղաշարժվել անվասայլակով
Այս հարցը շատ հաճախ են լսում անվասայլակի օգնությամբ տեղաշարժվող մարդիկ: Սա շատ հասկանալի, միևնույն ժամանակ մի փոքր նյարդացնող հարց է: Ցավոք, այս դատարկախոսությունը մարդիկ շատ հաճախ են հարցնում: Թույլ տվեք ինձ հանգստացնել բոլորին` փաստելով, որ կարելի է շատ արագ տեղաշարժվել անվասայլակի օգնությամբ: Ամենաարագ անվասայլակը ժամում 6-8 մղոն է գնում, իսկ ամենահզորը` 4-5, այսպիսով նրանք այնքան արագ են գնում, ինչքան հեծանիվը:
4.Ճանաչու՞մ ես այն մարդուն, ով նույնպես անվասայլակով է տեղաշարժվում
Այն ժամանակից սկսած, ինչ անվասայլակով տեղաշարժվող մարդիկ «փոքրամասնություն» են համարվում, «մեծամասնության» մոտ իշխում է այն քարացած կարծրատիպը, որ այն բոլոր մարդիկ, ովքեր անվասայլակով են տեղաշարժվում, ճանաչում են միմյանց: Աշխարհը փոքրիկ գյուղ չէ, որ բոլորը իրար ճանաչեն: Օրինակ, դու երբեք չես հարցնում մի աֆրոամերիկացու, թե նա ճանաչում է քո ընկեր Մայքլին, ով նույնպես աֆրոամերիկացի է, այնպես որ այս հարցն էլ մի տուր:
5.Պարտադի՞ր է, որ քո կողակիցն էլ անվասայլակի օգնությամբ տեղաշարժվող մեկը լինի
Մի օր հիվանդանոցում այս հարցը ինձ մի բուժքույր տվեց, բայց ես ուղղակի չպատասխանեցի: Այս հարցը այնքան ծեծված ու հնացած է, որ այն տալով` շատ ծեր մարդու տպավորություն կգործես: Անվասայլակի օգնությամբ տեղաշարժվող մարդիկ հաճախ են հանդիպում և նույնիսկ ամուսնանում այն մարդկանց հետ, ովքեր նույնպես տեղաշարժվում են անվասայլակի օգնությամբ: Սակայն սա կազմում է ընդհանուր վիճակագրության ընդամենը 15%-ը: Այնպես որ այս հարցը մի´ տուր, եթե չես ուզում անպատիվ խոսքեր լսել քո հասցեին:
6.Ավելի լավ է մեռնեմ, քան հաշմանդամ լինեմ
Մի երիտասարդ ուսանող մի օր քոլեջում ասաց. «Ավելի լավ է մեռնեմ, քան հաշմանդամ լինեմ»: Ես չեմ կարծում, որ նա հենց դա նկատի ուներ, բայց այդ միտքը գլխիցս դուրս չեկավ մոտ երեք տարի: Այնուամենայնիվ, հնարավոր է դուք էլ ունենաք նույն զգացողությունը, բայց հավատացեք, սա ամենավատ գաղափարն է հաշմանդամություն ունեցող մարդու հետ կիսելու համար:
7.Դուք շատ լավ տեսք ունեք այդ անվասայլակի վրա
Հետևելով Ձեր տեսքին, մի քանի կգ կորցնելով, նոր հագուստներ գնելով, մազերը հետ սանրելով` դուք հավանաբար լավ տեսք կունենաք, և շանսերն էլ կմեծանան, որ փողոցում պատահական անցորդների կողմից հաճոյախոսություններ լսեք: Բայց շատ ավելի հավանական է, որ հենց այսպիսի հաճոյախոսություն լսեք. «Դուք շատ լավ տեսք ունեք այդ անվասայլակի վրա»: Եթե ուզում եք գովաբանել անվասայլակի օգնությամբ տեղաշարժվող մարդուն, ապա մի արեք այս հաճոյախոսությունը, փոխարենը ասեք, որ նա ուղղակի շատ լավ տեսք ունի: Հիշե´ք, աշխարհում ամեն բանն է գեղեցիկ, նույնիսկ անվասայլակի օգնությամբ տեղաշարժվող մարդը:
8. Կեցցե՜ս
Երևի ամենասարսափելի բանը, որ կարող ես ասել անվասայլակի օգնությամբ տեղաշարժվող մարդուն «կեցցե»-ն է որևէ սովորական բան անելիս, ասենք նպարեղենի խանութում թափված նպարեղենը գետնից վերցնելիս կամ փողոց դուրս գալիս: Հիմնականում սա ասում են ավելի շատ ծերերն ու հասուն տարիքի մարդիկ, քան երիտասարդները: Բայց, երբ օրինակ անվասայլակով մոտենում ես թեք հարթակին, և ինչ-որ մեկը քեզ ասում է կեցցես,այդ ժամանակ հազիվ ես քեզ զսպում, որ բռունցքով դեմքին չհարվածես:
9. Կարո՞ղ եմ որևէ անձնական հարց տալ
Հնարավոր չէ, որ ինչ-որ մեկը տուժած չլինի ներածական մասով այս հարցից: Եվ երբ ինձ այս հարցն են տալիս, անմիջապես հիշում եմ My Gimpy Life հեռուստահաղորդումը, որի ժամանակ տղան նախ հարցնում է, թե կարող է որևէ անձնական հարց տալ և հետո միանգամից հարցնում է, թե կարող է նրանց հետ սիրով զբաղվել: Իրականում ուղղակի պետք չէ այս հարցը տալ այն մարդուն, ում հետ այնքան էլ մոտ չեք:
10. Հե՛յ, վազքի մրցարշավի մասնակից, կարո՞ղ ես հաղթանակի հասնել անվասայլակովդ
Եվ վերջապես, ավելի վատ բան չկա, քան անվասայլակի օգնությամբ տեղաշարժվող մարդուն վազքի մրցարշավի մասնակից անվանելը: Լավ է, որ մեզ մուլտֆիլմի հերոսների անուններով էլ չեք դիմում: Երբեմն մենք իրոք շատ արագ ենք գնում, որովհետև ուշանում ենք, բայց խնդրում եմ, մեզ մի անվանեք վազքի մրցարշավի մասնակիցներ:
