Այս նյութը կպատմի քեզ ամենահետաքրքիր և տարօրինակ բաների մասին կապված շատերի կողմից սիրված և մեծ պահանջարկ ունեցող հոթ դոգի հետ:
- Նյու Յորքում միակ վայրը, որտեղ հոթ դոգ կարելի է ուտել նստած վիճակում, բեյսբոլի մարզադաշտն է: Մնացած սրճարանները նրբերշիկով հացն առաջարկում են ուտել կանգնած:
- Ավանդական հոթ դոգի համար նրբերշիկը պետք է լինի ֆրանկֆուրտյան: Նյու Յորքի բնակիչներն այդպիսի հոթ դոգն անվանում են «ֆրանկ»: Նրբերշիկը կարող է պատրաստված լինել խոզի, տավարի, կամ հավի մսից, սակայն միսն անպայման պետք է լինի ապխտած:
- Չիկագոյում նրբերշիկները պատրաստում են գոլորշու վրա, իսկ Նյու Յորքում` խաշում են: Կան սրճարաններ, որտեղ նրբերշիկը տապակում են ցանցի վրա, սակայն բոլոր դեպքերում էլ համեմում են չիլիի սոուսով:
- Ընդունված է հոթ դոգն ուտել մեկանգամյա օգտագործման ափսեներից՝ քայլելիս կամ կանգնած:
- Մեկ հոթ դոգը նախատեսված է 5 անգամ կծելու համար, իսկ վիեննական նրբերշիկով երկար հոթ դոգը` 7 անգամ:
- Ընդունված է, որ կետչուպը ” մանկական ” համեմունք է, իսկ մեծերը նախընտրում են միայն մանանեխով հոթ դոգեր:
- Ավանդույթը պահանջում է հոթ դոգն ուտելուց հետո լպստել մատները, ապա մաքրել թղթե անձեռոցիկով: Ոչ մի դեպքում չի կարելի ձեռքերը ջրով լվանալ :
